رواية عروسة الخرطوم
الفصل التاسع9
بقلم سجي المدني
قطع صوت كلامو جرس الباب وهو بدق إبتسمت ليه وقلت بكونو ديل هم!! مرقت من غرفتي سريع ومشيت على الباب وهو كان واقف في مكانو لا اتحرك جاي ولا جاي!! لمن فتحت الباب لقيتها ملك بت عمو أحمد! سلمت عليها وقلت ليها وين ناس جدو!!
_والله ناس جدو جوهم ضيوف! بس كنا طالعين كدا هم خشو! ف انا قلت اجي اتونس معاك حبه!! ويمكن تكونو منتظرننا!
=ايوه إتفضلي إتفضلي!!
قعدتها في كنبة الصالون ومشيت جبته ليها عصير!! والشياله!
وقعدت معاها قلت ليها ي حسره كنت مجهزه ليهم اكلات حلوه وبالأخص الباميه المفروكه المفضله عند جدو!!!
_ههه انا قاعده باكل الأكل كلو😂❤️
=ههههه
_بس المهم يكون في كفته ومحشي!!
=موجودات انا عملت لي ااي حد اكلتو المفضله!! والباقي عملتو على زوقي!
ملك قالت لي الله بحبك ياخ وضمتني!!
=دا حب مصلحه بس انا عارفه!!
_معقوله ياخ!! 😂
=طيب كديه اقوم اسوي الأكل!!
_وين شهاب!!
_شهاب في الغرفه اصبري أمشي انادي واجي!
=طيب
مشيت دخلت غرفتي لقيت شهاب قاعد في الكنبه ومتمحن ضحكت وقلت ليه م تخاف دا م جدو!! وبعدين انت لو خايف متزوجها ليه! المهم ملك دي برا عايزه تسلم عليك تعال!!!
عاين لي و م رد!!
طلعت من الغرفه ومشيت ليه ملك قلت ليها شهاب جاي هسي!!بالسمافه اسوي الغداء واجي!
_اوكي!!
خشيت المطبخ قطعت السلطه!! وجبت الصينيه رصيت الأكل!! وغتيتو بالطبق! مشيت لقيت شهاب جاا! سلم عليها وكان متلبك شديد وظاهر التوتر على وشو! قعد يتونس معاها! بعد شويه قلت ليه شهاب ممكن تجي تشيل الصينيه! قال لي طيب وقام جابها وختاها! قلت لي ملك ارح نغسل ونجي! قالت لي طيب مشينا غسلنا وجينا! وانا كل مره اعاين للغرفه القاعده فيها رضوي! وكنت بس عايزها تنزل! واشوف تعابير وش شهاب لمن ملك تشوف رضوي! صح م جا جدو وإنو لو جا المشكله ح تكون كبيره! وملك أخف قدر! بس برضو لو عرفت مشكله! انا م عارفه هل ح توري ناس جدو ولا لا! لكن انتظر! واتفرج!
بدينا ناكل ونتونس! ملك بت عمو أحمد دي مخطوبه! والعرس في عيد الضحيه! المره الفاتت كان في عيد رمضان لكن اتأجل
=ملوك يعني العرس عيد الضحيه جد جد ولا بتموسرونا زي المره الفاتت!!
_لالا المره دي ماف موسار!! 😂
شهاب كان ساكت و م اتكلم كان ظاهر من ملاح وشو إنو في حاجه! ملك قالت ليه مالك ي شهاب ساكت م من عوايدك ياخوي !
=زعلان عشان جدو م جا😂💔
ملك:زعلاان قلت لي😂
هم الاتنين بقو يتونسو! بعد شويه طلعت رضوي من غرفتها شكلها كانت نايمه... إبتسمت!! وقبلت لأني كنت مركزه اتجاه الغرفه!! قلت ليها أها ي ملك!! ثبتي انك ح تلبسي فستان محجب!!؟؟
_ايوه ايوه!!
رضوي جات ولمن شهاب شافها وشو جاب ألوان! وبقي يبلع في ريقو يالله! رضوي سلمت على ملك وقالت لي دي منو!!
ملك عاينت ليها وقالت ملك انت المنو؟!!
_ملك منو انت!
ملك أخدت نفس طويل وقالت وعلى م اعتقد انا برضو سألتك انت منو!!
رضوي:انا مرت شهاب!!