رواية احنا الزنبوا
الفصل السابع والاخير 7
بقلم محمد منصور
وتختفي ماري وبص الفولي
ل سولاف وسولاف مدي له ظهرها وهو قرب منها بصباعة بترقب شديد وخوف من ان كلام ماري يكون صح وفضل يقرب ويقرب وصباعة لمس جسم سولاف وصباع الفولي يعدي من خلال جسم سولاف رجع الفولي لوراء خطوتين وانهار من الخوف وسولاف بصت له وقالت
مالك يا حاج
الفولي
انا مش قادر اصدق انتي زي ما ماري قالت شبح
سولاف باستغراب
شبح ايه بس. انا بني ادمه زي زيك. اوعي تصدق ماري
بص لها الفولي وهو محتار مابقاش عارف يصدق مين ويكدب مين كل حاجه في حياته بقيت كدب ويبص لحازم ويقول
يالا يا حازم نمشي من هنا
حازم
طيب والقصه وحازم ابنك اللي محبوس جوة منها
الفولي وهو بيستعد للخروج من الفيلا قال
انا عايز امشي من هنا
فتمد سولاف ايدها وتمسك ايد الفولي علشان تمنعه من المشي وبصت للفولي وقالت
هاتسيب ابنك لماري تقتله
بص الفولي لايدها وقالت
لازم امشي
سولاف
ليه
الفولي باعصاب مشدودة
علشان حياة ابني قصاد حياتك
سولاف
يعني ايه مش فاهمه
الفولي
ماري عايزاني اقتلك عشان ترجع لي ابني وانا مش هاقدر اعمل كدة لو كان ايه التمن
سولاف
عايزاك تقتلني علشان خايفه مني وعارفه اني قربت منها وقربت اخلص عليها
الفولي
بصي يا بنت الناس انا ماليش دعوي بالمشاكل اللي بينك وبينها انا لو رجوع ابني تمنه حياتك انا مش عايز ابني ير ،،،،،،،،
وبعدها يسكت الفولي ويسترجع كلام ماري في ودانه وهي بتقول
دي شبح ولازم تقتلها
فبص له حازم وقال
جدي انت سكت ليه في حاجه
الفولي
كلام ماري جه في وداني وغلطت لما قالت لي اقتل سولاف وبعد كدة قالت انها شبح يبقي ازاي اقتل سولاف وهي اصلا شبح يعني ميته
سولاف بانبهار
صح انت صح طالما انا شبح زي ماهي بتقول ليه عايزاك تقتلني
وتاخذ سولاف الفولي بالحضن فرحانه انه ماصدقش ماري وقتلها عشان أبنه يرجع له وبعدها بلحظات تحاول سولاف الخروج من حضن الفولي ولكن الفولي يتبت في الحضن اوي وتحاول سولاف كمان مرة ابعاد الفولي عنها وهو يقول
خليكي شويه انا لسه هاقول حاجات تانيه تعجبك
ولكن سولاف تنجح في ابعادة عنها وهي بتبص له وبتعدل هدومها وقالت
انت راجل كبير عيب اللي انت بتعمله ده
الفولي
انتي فهمتي ايه. ده انا فرحت بس علي فرحتك
وقف حازم قدام سولاف وقال
ازاي انتي شبح وهي تقول أقتلها
وخد وضع الحضن وبص ل سولاف بطرف عينه وقال
ايه.
سولاف
ايه. ايه
حازم
انا قولت زي ماهو قال. في الحضن
سولاف بعصبيه
حضن ايه وزفت ايه. احترم نفسك وخلينا نشوف هانعمل ايه
حازم قال زي العيال الصغيرة
اشمعني انا طيب وربنا انتي عيلة ظالمة
سولاف ما ردتش عليه وبصت للفولي وقالت
ودلوقتي بقي بعد ما أتاكد اني بني ادمه زيك ممكن بقي نفكر ونشوف اوراق القصه ممكن نلاقيها فين
فكر الفولي لي لحظات وبعدها قال
انا معايا ورقه من اوراق القصه كتبها حازم ليا واده هالي عشان ادخل بيها واجيب جورج
سولاف
معاك فين
خرج الفولي المحفظه الخاصه بتاعته وفتحها وقال
اخر حاجه من ريحه حازم معايا
وخرج الورقه مسكت سولاف الورقه بسرعة وبصت للورقة وبدات تقراء اللي مكتوب فيها وقالت
هي دي الورقه اللي هاخلص بيها علي ماري وانقذ ابنك من ايديها
وفجاة. يلاقو الثلاثه نفسهم جوة القصه و في زمن ماري وقاعدين قصاد لاشيع اللي لسة بيحلب الكلبه وبيقول
ما هو انتي هتجيبي لبن يعني هاتجيبي لبن
وهنا لاشيع يشوف الفولي ويقول
ازيك يا عدسي
الفولي بعصبيه
اهلا هو انت يا بارد
لاشيع
بس سخن
فتقف سلاوف وتنظر للمكان الخيالي اللي هي في مش مصدقه اللي حصل وقالت للفولي
انا مش مصدقه احنا بجد جوة القصه بتاعت ابنك
الفولي ضاحكا
لا صدقي وبعدين لما تاخدي علي القصه والقصه تاخد عليكي هتلاقي نفسك كل يوم والتاني هنا
وقف لاشيع وهو بيحط ديل الجلبيه اللي لابسها في سنانه وبص لي سولاف وقال للفولي
اول مرة تخش عليه الصموعه بتاعتي ومعاك فاكهه
وقرب لاشيع من سولاف فراح الفولي ناحيته وبص له وهو حاطط ديل الجلبيه في سنانه زي الفلاحين وقال
رايح فين يا ابو سوليم
لاشيع وهو بيبص لي سولاف قال
نازل اسقي الارض
قال حازم وهو بيبص للفولي
مين ده
الفولي
ده جدك اليهودي لاشيع
حازم
ده يهودي . والله بالجلبيه دي افتكرته القرموطي
وفي الوقت دة يجي حراس الحاكم سين ويقفون حوالين الفولي وحازم وسولاف فيبص لهم الفولي وقال
اهلا. كملت، ،،،،،،
ومن جوة قصر الحاكم سين يقف الفولي وحازم وسولاف وهم مربوطين بالسلاسل والحاكم سين قاعد قصادهم علي العرش وقال لهم
حج طة عن عن
الفولي
وربنا ما هارد عليك
سولاف
هو بيقول ايه
الفولي
سيبي هو بينهج اول كام جمله وبعد كدة بيتكلم زينا
سين
حد يرد عليه حج طة عن عن
حازم
عن عن. بطل ودور تاني وهي هادور معاك
سين
أنتو مين وبتعملو ايه هنا
الفولي
احنا جائيين علشان حازم ابني اللي خطفته ماري
سين
ماحدش يقدر يقرب من ماري دي في حمايتي
الفولي باستغراب
ازاي في حمايتك ده انت كنت قالب الدنيا عليها وعايز تدفنها حيه
ضحك سين وقال
انت صدقت دي لعبه عملتها بالاتفاق بيني وبين ماري عشان تحموها مني وابنك حازم يصدقها ويرضي يجي زمنا علشان يعالجها من الفيرس ويعمل اللي ماعملهوش ميشيل وعند اكتمال القمر تقتل ماري حازم ويكون ضحيه جديدة ليها وتقدمه للقمر وتفضل روحها تطوف بين العصور وتعيش ماري بلا نهايه
سولاف
وليه سابت ابنها جورج يعيش في زمن مش زمنه
سين
علشان يحبه الفولي وتقدر عن طريقه تقتلك
سولاف بدهشه
تقتلني انا. طيب ليه
سين
علشان الاسطورة بتقول ان نهايه ماري هاتكون علي ايدك والوحيد اللي يقدر يقتلك هو اللي من دمها وجورج كان لازم يقتلك في زمنك وزمن الفولي بس واضح انك قدرتي تهربي من جورج وجيتي لزمنها عشان هي اللي تخلص عليكي بايديها
وفي الوقت دة تظهر ماري وراء سولاف وتحاول ان تعرز انيابها في رقبتها ولكن حازم الصغير يتحرر من قيودة بقوته ويمسك بوق ماري بكل قوة ويمنعها من غرز انيابها في رقبه سولاف فتبص له ماري وهو يبص لها ويغرز حازم الصغير أنيابه في رقبتها فتصرخ ماري وتحاول الافلات منه وهي تصرخ وتبص له حتي يحترق جسمها تماما فيبص لها سين ويجري ناحيتها ويحاول انقاذها ولكن حازم يهجم علي سين ويغرز أنيابه في رقبتها بكل قوة ويموت سين ويبدأ حازم يتالم ولكنه يقف علي رجليه ويفك سلاسل الفولي و سولاف وهو بدأ يحترق فبص له الفولي وقال
حازم
حازم وهو بيعيط
جدي. هاموت والغداء كان عليك انت
سولاف
انت ليه عملت كدة وعرفت ازاي انا ماري هاتموت كدة
حازم
كان فوق جدي لاشيع صورة لام بتحضن أبنها وهو غارز أنيابه في رقبتها والاثنين بيتحرقوا فحسيت أني انا المقصود وان نهايه ماري هاتكون علي أيديه. نهايه الشر اللي جوة امي ونهايتي معها
وبص للفولي اللي كان بيعيط وقال حازم
وانا مش هلاقي حد أحسن من جدي أفدي بروحي
ويتحرق حازم وهو بيصرخ وعيونه تدمع ولسة باصص للفولي وقبل ما يتحرق وش حازم ضحك للفولي وقال
اوعي تنساني
عيط الفولي وهو باصص لحازم اللي اتحرق وتحول ل رماد وفي نفس الوقت يتفتح باب من الابواب ويخرج حازم أبن الفولي من وراء الباب دة ويبص ل ابوه الفولي ويجري ناحيته ويترمي في حضنه ويعيط بحرقة ويقول
حقك عليه
الفولي وفرحته مكسورة علي فقدان حازم الصغير ورجوع حازم الكبير ويقول بحزن
حمد لله علي السلامه يا أبني،،،،،،،،،
ونروح لفيلا في حلوان في سنه 2005 يقعد الفولي جنب حازم وكان الفولي بيقفل قصة حازم وبيقول
نهايه جميله وحزينه ما كنت سيبت حازم الصغير يعيش
حازم
لا انا قاصد كدة عشان عايز اقول أن ممكن اللي مش من لحمك ودمك يكون احن عليك من اللي من لحمك ودمك
الفولي
يعني انت ممكن تعمل كدة فيا
قال حازم وهو بيبوس ايد الفولي
انا ماقدرش أعيش من غيرك ويوم ما احب واتجوز لازم تكون واحدة بنت ناس وتحبك وتكون في خدمتك قبل خدمتي
الفولي
حبيبي يا حازم. بس انت طلعتني بتاع نسوان في قصتك وانا عمري ما كنت كدة
حازم
علشان بس الناس تنبسط وتحبك زي ما انا بحبك. وبعدين في حد بتاع نسوان يخلف عيل واحد
الفولي بنرفزة
ماتلم نفسك يا عم. وبعدين العيب كان في امك هي اللي مبتخلفش
حازم ضاحكا
مبتخلفش. حبيبي يا فولي والله. ربنا يخليك ليا
الفولي
ربنا يخليك ليا يارب. وماتتلبس بجد زي ما انت كاتب في قصتك
حازم ضاحكا
متخافش يا فولي مش هايحصل لنا حاجه
ويضحك الاثنين وتطبع القصه وتباع من غير ما حد يتلبس ويتمتع الفولي بنجاح ابنه ويتمتع حازم بنجاحه وتوته توته خلصت الحدوته وكله طلع سليم وماحدش حصل له حاجه.
تمت بحمد الله