رواية رهف الجاسر الفصل الحادي عشر11 والثاني عشر12 بقلم ايه الشامي
فريد:بقى كدا دا انا
طب انا راضي زمتك دا واحد اخر فيلم سينما اتفرج عليه كان فيلم ابوعلى.
رهف:بتهزر.
فريد:اه والله.
رهف :خلاص تمام هتفرج معاكم على الفيلم بس هنتفرج فى انهى اوضه.
جاسر وفريد فى نفس واحد:اوضتى طبعا.
وبعدين بصو لبعض وفريد بلع ريقه وقال قصدى اوضه جاسر علشان التليفزيون هناك اكبر مش كدا ياجاسر.
جاسر:اه فعلا وبعدين اوضتى اكبر وفيها كنبه وكدا عكس اوضه الاستاذ اللى فيها البتاع المحشي ڤل دا اللى بيقعد عليه مش عارف ازاى.
رهف:مفيش مشكله انا بسال بس علشان اعرف اروح فين.
الجد بسخريه:اه ياكلاب ولا واحد فيكم يقول تعالى ياجدو وقاعدين تتفقو وتعملو خطط قدامى اخص عليكو اخص.
فريد:لا مش قصدنا ياجدو بس انت بتنام بدرى احنا عارفين
وبعدين احنا هنسهر محتاجين حد يكون نايم علشان يعرف يصحى الغلبانه دى للمدرسه والاستاذ للشغل ولا ايه.
الجد:اه صح عندك حق اصلنا لو اعتمدنا عليك لادى هتروح مدرسه ولادا هيروح شغل وهتفشلهم زيك يافاشل.
وقام وذهب لاوضه المكتب يحتسى القهوه كعادته.
فريد:اوبس ايه الاحراج دا.
جاسر:انا لو منك اكون اتعودت على الاحراج
دا انت عايش عليه.ويضحكون جميعا.
(طبعا انتو مستغربين ان الغدا مشى سلمى كدا ازاى مرات عم رهف عند اختها وهتبات عندها علشان كدا الاجواء صافيه انا بس قولت اقولكم)
بالليل فريدذهب لغرفه رهف ودق الباب ودخل.
فريد:انا بخاطر مخاطره كبيره النهارده انا جبت حاجه ساقعه وجاسر جاب التسالى انتى بس عليكى تعملى فشار علشان الخدامين مشيو
بتعرفي ولا هتفضحينا.
رهف:عيب عليك هبهرك.
فريد:هتبهرينى طب ربنا يستر يلا هسبقك انا على اوضه جاسر.
رهف:تمام بس اوعو تشغلو الفيلم من غيري والله ازعل.
فريد:دا غصب عنى مش بارادتى احسن جاسر يبلعنى.
قالها وهو خارج هى ابتسمت ونزلت على المطبخ عملت الفشار دخلت غرفه جاسر وهى ترتدى سلوبت عليها رسومات كرتونيه و رابطه شعرها كحكتين من الجنب وشكلها طفولى خالص اول ماشفوها ضحكو فريد وجاسر.
رهف:انتو بتضحكو على ايه.
فريد:لا معلش انتى مش هتعرفي تتفرجى معانا على الفيلم.
رهف وهى عامله بوز زعلان:ليه بس منا عملت فشار حلو اهو وباطعمه كمان يعنى مدلعاكو.
فريد:لا مش علشان الفشار
هو الفيلم+16فمش هينفع تتفرجى عليه.
رهف:ليه يعنى ما انا عندى 17 سنه يعنى ينفع ايه الرخامه بتاعتك دى يافريد.
فريد:انتى متاكده ان عندك 17 اصلى اول ما شفتك كدا حسيتك 5 او 6 سنين بالكتير ايه اللى انتى عامله فى نفسك دا.
رهف:رخم والله رخم وبعدين مالى انا عادى وحلوة كمان صح يا ابيه جاسر.
جاسر:حلوه اوى
قالها وهو سرحان فيها
رهف:شفت احسن وطلعت لسانها لفريد
وقعدت على الكنبه جمبهم يشاهدو الفيلم.
بعد منتصف الفيلم شعر جاسر بتقل على كتفه فنظر وجدها نائمه على كتفه و الفشار فى فمها.
هز جاسر فريد بهدوء اللى كان مركز فى الفيلم.
فريد:ايه ياجاسر في ايه جاى عند الحته المهمه وتنادينى.
جاسر:وطى صوتك ياحيوان رهف نايمه.
نظر فريد فوجدها نايمه.
فريد:ايوة عايز ايه يعنى.
جاسر:اطفى الفيلم دا وانا هشيلها اوديها اوضتها وننام.
فريد:لا طبعا انا هكمل الفيلم انا مالى انا اتشديت ليه وعايز اكمله.
جاسر:يابنى خلى عندك دم البت نامت.
فريد:سهله ياجاسر شيلها ونيمها على سريرك ورانا هنا ولما الفيلم يخلص ابقى شيلها وديها اوضتها وانسي ياجاسر انا مش هقفل الفيلم تمام وسبنى بقى علشان عايز اتفرج.
جاسر:والله انت رخم.
وشال رهف ونيمها على سريره ورجع كمل الفيلم مع فريد وبعد الفيلم ماخلص.
جاسر:لم الممنوعات دى اتخلص منها علشان جدك لو شافها الصبح هنطرد من البيت.
فريد:متقلقش كله تحت السيطره بس انت شيل رهف بس علشان تنام.يلا تصبح على خير.
جاسر:وانت من اهله.
جاسر ذهب ليشيل رهف وجدها فى نوم عميق جدا مش عايزة تسيب السرير لحد مازهق ومش عارف يعمل ايه قال خلاص انا هنام على الكنبه النهارده.
ذهب للدولاب واخرج ملابس ودخل الحمام وغير وطلع راح علشان يغطى رهف مسكت فى لياقه التيشريت ومهما يحاول جاسر تفليت يدها لكنه فشل.
جاسر:طب اهزها اصحيها دى ولا ايه.لا بس هى صعبانه عليا وهى عامله زى الاطفال كدا خلاص انا هقعد جمبها هنا لحد ما ايدها تفلت لوحدها.
فى الصباح التالى تستيقظ رهف على دق على الباب.
رهف:مين.
الجد دخل ايه دا رهف بتعملى ايه هنا.
رهف فتحت عينهالتنظر لتجد جاسر نائم جنبها لتصرخ وتنط على السرير ليستيقظ جاسر مفزوعا لينظر ليجد نفسه كان نائم جنب رهف وجده فى الاوضه.
رهف:ازاى كدا هو ايه اللى حصل.
جاسر:قطعتيلى الخلف ياختى عرفتى ايه اللى حصل.
الجد:ايه اللى نيمك هنا يارهف وانت ازاى تنام جبها ياولد انت.
رهف:والله ما اعرف ياجدو انا كنت بتفرج على الفيلم وبعدين مش فاكره.
جاسر:دى اخره اللى يسهر مع عيال صغيره الاستاذه نامت بعد نص الفيلم حطتها هنا على السرير لحد ما الفيلم ما يخلص وانقلها لاوضتها جيت علشان انقلها لاقيتها مسكت التيشرت زى مايكون حرامى ومش راضيه تسيبه قعدت جنبها عقبال ماتسيبه شكلى كدا راحت عليا نومه بس دا اللى حصل.
رهف:يا سلام وانت مكنتش عارف تصحينى ولا انت ماصدقت يعنى.
جاسر:تصدقى انا غلطان
وبعدين ايه ماصدقت دى قصدك ايه يعنى هموت نفسي علشان انام جمبك ياشيخه دا نومك متعب بشكل حسبي الله ونعم الوكيل فيكى لا ريحتينى فى نومه لا وكمان اصحى مخضوض.
رهف:بتحسبن عليا انا دا انا ملاك وانا نايمه شوف نفسك انت كنت نايم ازاى.
جاسر:ايه مالى كنت نايم ازاى
رهف:معرفش انا كنت نايمه بس اكيد نومك غريب زيك.
جاسر:انتى بتستعبطى يابت انتى عايزة تجننينى.
رهف:انا ولاااا.
قاطعهم صوت الجد:انتو هتتخانقو وتمسكو فى بعض قدامى ولا كانى واقف مفيش احترام ل
رهف وجاسر:اسفين ياجدو.
الجد:خلاص اللى حصل حصل يلا يارهف علشان تروحى المدرسه.
ذهبت رهف لغرفتها
الجد لجاسر حسابك معايا بعدين مش دلوقتى يلا اجهز انت كمان علشان تروح شغلك.
رهف جهزت ونازله على السلم وجاسر وراها قابلو بعض عند البوابه رهف بتركب العربيه ليمسكها جاسر من يدها.
جاسر:لا والله على اساس لما تعملى نفسك مشغوله فى الفون كدا مش هشوف اللى انتى عملاه فى وشك دا.
رهف:والله هى حاجات بسيطه مش اوفر علشان بس وشي تعبان من سهر امبارح.
اخرج جاسر منديل من جيبه واعطاه لرهف:امسحى اللى فى وشك دا بدل ما اخلى
يومك مش فايت وانتى حره.
رهف:لا وعلى ايه اروح بوشي تعبان احسن ما يكون متعور ولا حاجه.
اخذت منه المنديل ومسحت كل ما فى وجهها ونظرت اليه وقالت:تمام كدا ممكن تسبنى امشي علشان متاخرش بقى.
جاسر:لسه فيه.
رهف تنظر فى مرآه العربيه:مفيش حاجه والله مسحت كله.
جاسر:لسه على شفايفك.
رهف:لا دا لونها الطبيعى انا مش حاطه حاجه على شفايفى.
جاسر:اهبل انا علشان اصدق صح.
رهف اخرجت من معها منديل نظيف ومسحت شفايفها كذا مرة وبعدين اعطته لجاسر:شفت مفيش حاجه ازاى.
نظر جاسر للمنديل النظيف مثل ماكان والى شفايفها اللى بلون الكرز وتاه فيهما ومحسش بنفسه غير وهو يطبع قبله خفيفه عليهم وقالها:يلا علشان متتاخريش.
وسابها ومشي وتركها مذهوله ومصدومه من اللى حصل.
ذهبت رهف للمدرسه وذهب جاسر للشركه ودخل مكتبه ووراه السكرتيره.
السكرتيره:صباح الخير يافندم
واخذت تملى عليه مواعيد اليوم.
جاسر:حولى اى اجتماعات عند زياد وهتيلى ملف صفقه المنشاوى وعايزك تجمعيلى معلومات عن ياسين المنشاوى
اى معلومه مهما كانت صغيره وطبعا مش محتاج اقولك فى سريه تامه
دى اولاوياتك دلوقتى ولو عايزة تاخدى اجازه من الشغل علشان تعرفي تجمعى المعلومات معنديش مشكله ومرتبك هيفضل شغال
السكرتيره:لا يافندم لو محتاجه هقول لحضرتك بس الموضوع دا هياخد وقت.
جاسر:لا طبعا انا عايزه فى اسرع وقت
فى خلال يومين بالكتير اوى الاقى المعلومات دى عندى.
السكرتيره:هحاول يافندم تؤمرنى بحاجه تانى.
جاسر:لا روحى انتى شوفى شغلك وابعتيلى عم عبده بالقهوه.
خرجت السكرتيره وتركت جاسر يسبح فى ذكرياته وافكاره عن رهف وتذكر كيف قضى الليل باكمله بجانبها وهى ممسكه بيه وكيف طبع على شفايفها قبله رقيقه وكيف تركت بداخله شعور جميل
وظل يحدث نفسه:بقى انتى يابت تعملى فيا انا كدا انا غلبت المراهقين والله
طب هتعمل ايه ياجاسر لو هى مش بتبادلك نفس الشعور انا لازم اخليها تبطل كلمه ابيه دى يمكن تفكيرها ناحيتى يتغير.
وفى ظل سرحان جاسر فى افكاره.
زياد:جاااااااسر انت يابنى.
جاسر:فى ايه يا زياد انت بتزعق كدا ليه انت اتهبلت.
زياد:ياسلام بزعق ليه
يمكن علشان بقالى فتره بنادى عليك وانت مش بترد.
جاسر:لا ياشيخ.
زياد:تصدق
مالك ياصاحبى انت كويس مفيش مشاكل فى البيت ولا حاجه.
جاسر:لا المشاكل هنا وهنا مش فى البيت.وهو يشاور على قلبه وعقله.
زياد:يبقى وقعت يا معلم.
جاسر:وقعت استغفر الله على األفاظك يا اخى.
زياد:سيبك دلوقتى من ألفاظى وبتاع قولى بس مين اوعى تكون السكرتيره والله ازعل.
جاسر:سكرتيره ايه انت التانى هو انا وش كدا بردو.
زياد:طمنتنى احسن كنا هندخل على شغل بعض.
جاسر:هو انت وهى اااا.
زياد:لا ياعم متخليش تفكيرك يروح لبعيد انا لسه بس فى مرحله الاعجاب وكدا ولسه بجس نبض.بس ليه انت شفت منها حاجه.
جاسر:مش القصد بس شايف لبسهاوطريقه مشيتها وكدا يعنى.
زياد:مشيتها هو فى احسن من مشيتها هى اللى جبتنى على بوزى يا صاحبى.
جاسر:بنى ادم زباله
ربنا يهنى سعيد بسعيده يااخويا وانا مالى بس اهم حاجه متعطلهاش عن الشغل اللى بطلبه منها والا ساعتها هقلب عليكو وانت عارف قلبتى.
زياد:ههه قال ايه اعطلها على شغلك يابنى دى بتعملك حساب اكتر منى ومن ابوها شخصيا فمتقلقش من الناحيه دى ادعيلى بس ارسى على بر انا لسه فى مرحله جس نبض وكدا.
جاسر:ايوة انت بتجس نبض ازاى.
وتفكيره لنفسه اجس نبض رهف علشان اعرف انا كمان بدل ما اتعلق على الفاضي.
زياد:ايوة بقى دا انت مش وقعت انت خلاص غرقت ياباشا مين هى ها.
جاسر:انت ايه علاقتك بمين هى انا سالتك سؤال عايز تجاوب عليه ماشي مش هتجاوب يبقى تروح تشوف شغلك بدل ما اخصملك.
زياد:انت ليه على طول حامى كدا انا بسالك علشان لكل واحده دخله غير التانيه على حسب شخصيتها وكدا
وبعدين انا صاحبك الوحيد يعتبر لو خبيت عليا انا تفضفض مع مين اخص عليك يا جاسر بجد
جاسر:ياعم والله ماقصد بس انا متلغبط ومش عارف اعمل ايه انا شكلى كدا فعلا وقعت زى ما بتقول بس خايف اكون بتعلق على الفاضي ومش عارف اعمل ايه.
زياد:طب احكيلى طيب انا مش عارف اصلا انت اتعرفت عليها امتى وفين وانت من الشغل للبيت ولا تكون هى هنا من الشركه ولا حد من العملاء.
جاسر:لا من البيت ياخفيف.
زياد:بطل هزار بقى وقول.
جاسر:منا بتكلم جد.
زياد:ياعم هو في حد فى البيت غير الخدامه وامك ايه وقعت فى حب الخدامه
جاسر:لم نفسك احسنلك
لا بنت عمى.
زياد:يابن الايه انت عندك بنت عم وعايشه معاك فى البيت وانا ولا اعرف ولا شفتها قبل كدا ايه ياعم انت كنت حبسها ولا ايه
لا يا جاسر مش للدرجه دى.
جاسر:ممكن تفصل شويه علشان اعرف افهمك وعلى فكره هى فعلا ممكن توصل معايا للدرجه دى.
واخذ جاسر يحكى لزياد عن رهف وكل شئ.
زياد:والله يا صاحبى مضحكش عليك موضوعك معقد.
جاسر:نورت المحكمه يا استاذ.
زياد:يابنى اهدى عليا بس موضوعك معقد من ناحيه البت سيبك من انها صغيره سنا لكن كمان شخصيتها وعقلها لسه صغيرين منضجتش وبعدين بتقولك يا ابيه يعنى لو جسيت نبضها بالكلام يعنى زى وحشتينى وكدا هتاخده منك بمعنى تانى غير اللى تقصده انت فاهمنى وساعتها يبقى موصلناش لحاجه.
جاسر:طب و ايه الحل دبرنى يا وزير.
زياد:انت اول خطوة تاخدها و ضرورى تلغى كلمة ابيه دى علشان توقع الحاجز دا وتعرف تشوفك حاجه تانيه غير ابن عمها الكبير اللى زى اخوها تمام
جاسر:ايه الكبير دى ياروح امك انت شايفنى عجزت ولا ايه.
زياد:ياعم مش قصدى بس قصدى نغير وجهة نظرها ليك على انك اخوها الكبير علشان متفسرش اى حاجه تصدر منك على اساس دا ولازم حد يساعدك فى الموضوع دا.
جاسر:حد حد مين و يساعدنى ازاى.
زياد:حد يكون قريب منها يعرفها ويحسسها بالطريقه كدا انك انت مش اخوها الكبير ويخليها تبصلك من حته تانيه.
جاسر:وانا اجيب الحد دا منين بقى.
زياد:معندهاش اخوات بنات صحاب واى حاجه من دى.
جاسر:لا هى وحيده ولسه ناقله مصر دا اول اسبوع ليها يعنى لسه معملتش صحاب.
زياد:امممم طب فى حد تانى يعرف الموضوع دا غيري.
جاسر:اممم فريد اخويا فضحنى من تصرفاتى معاها بس انا انكرت قدامه وكدا.
زياد:وكمان تصرفات مفضوحه والبت متهزتش وجاى دلوقتى تعمل ايه.
جاسر:ولا هو انا كنت بحكيلك علشان كل شويه تقطمنى فى الكلام كدا.
زياد:مش قصدى ياعم حقك عليا بس اهدى كدا وانا هفكر معاك نعمل ايه ..