حنان كانت محتارة و هي عمالة تسمع الظابط ده بيتكلم ياباني و هي مش فاهمة حاجة و اثناء الكلام ظهر على وش سيف الامتعاض الشديد لدرجة ان عروقه برزت و كمان الظابط صوته بدأ يعلى و رجعوا هديوا تاني و بعد ما الظابط مشي حنان بصت لسيف و قالت
"هو فيه يا سيف الراجل الغبي ده كان عايز منك ايه و مالك اتضايقت كده ليه و هو صوته علي ليه هو ايه اللي حصل يا سيف"
سيف "مفيش بس هو كان ظابط تبع اليابان كان متضايق ان احنا لسة مقبضناش على العصابة"
حنان ردت عليه بعصبية "و انت بقى مقلتلوش ليه انك مش هتعرف تقبض من غير دليل و ان العملية لسة متمتش "
سيف قرب من ودنها و همس" مهو انا معرفش تو تبع العصابة و جاي يراقبنا و لا هو معانا عادي فانا لو كنت قلتله ان احنا عارفين ان المهمة اتاجلت كان ممكن يكون تبعهم و يروح يعرفهم و انا مش عايزة كده انا عايزهم كلهم يفكروا ان احنا مش عارفين حاجة و ماشيين على نهجهم "
حنان "اوبا عليك يا سيف لما تبقى جامد بس انت قلتله ايه على كده "
سيف "قلتله ان احنا هنروح بكرة و نقبض عليهم أثناء العملية "
حنان" اه يعني هو مفكر ان العملية بكرة و ميعرفش انهم اجلوها "
سيف" اه إلا لو كان معاهم من البداية "
حنان" خلاص فهمتك "
سيف طيب يلا علشان هنزل هنا"
حنان كانت لسة هتشاور للسواق و تقوله معاك هنا يا سطا قام سيف لحقها بسرعة و نزل ايدها و قال يا هابلة هتفضحينا دول بيقفوا لوحدهم"
حنان" خلاص خلاص يا عم فهمت متزقش "
سيف" هو زقيتك و لا جيت يمتك اصلا "
سيف قال كده و نزلوا الاتنين من الاتوبيس و قعدوا يتفرجوا على الطبيعة الخلابة اللي قدامهم و أثناء ما سيف كان سرحان في الجمال اللي هو شايفه سمع صوت قرمشة جنبه فبيبص على يمينه لقى حنان قاعدة و فاتحة كيس شبسي و بتاكل
سيف قال بصدمة و شهقة " هييييه يخربيتك ايه اللي معاكي ده"
حنان قالت و هو الشبسي لسة في بقها "باكل شبسي يا عم تاكل"
سيف "طب ابلعي اللي في بقك الأول متتكلميش و الأكل في بقك"
حنان "يوه يا عم اسكت و خلي البساط أحمدي و كل"
و بعدها حنان قلعت شنطة كانت شيلاها على ضهرها و فتحتها و طلعت منها سندوتشات و شبسي و بسكوت و حاجة ساقعة
سيف قال بصدمة و هو خلاص هيطق منها" نعم يا ختي انتي لحقتي تجيبي كل ده امتى "
و مسك كيس الشيبسي لقاه مكتوب عليه صنع في مصر فقربه من وشها و كمل" و ده مصنوع في مصر معنى كده انك جبتيه معاكي في الطايرة و احنا مسافرين"
حنان جاوبت بكلمتين بس استفزوا سيف اوي و اللي هما "اي نعم"
سيف قال و هو مش طايق نفسه " ده انتي تتكلمي بقى و تقولي كل حاجة بالتفصيل من طق طق لسلامو عليكم"
حنان طلعت كيس فشار من الشنطة و مدت ايدها بيه لسيف و قالت" طيب امسك ده يسليك و انا بشرحلك "
سيف" مسكته يا آخرة صبري احكي بقى"
حنان "اولا اسمي حنان مش آخرة صبرك و ثانيا اسمع القصة يا سيدي.. بص هو كل اللي حصل اني كنت شارية كمية من الشيبسي المصري علشان انا مش بحب اي شبسي مش مصري و عبيتهم في شنطة و اخدتهم معانا و احنا مسافرين "
سيف" و السندوتشات"
حنان "لأ دي بقى انا حضرتها امبارح اول ما رجعنا من السفر "
سيف" طب اطفحي يا حنان اطفحي "
حنان كلت كيس ورا التاني ورا التالت و كانت بترمي الأكياس الفاضية على الأرض و سيف كان كالعادة في وادي تاني سرحان مع جمال أرض الله و خلقه و فجأة قطع سرحان سيف صوت حارس المكان اللي قرب منهم
الفصل العاشر10
سيف قام وقف بمجرد ما سمع حمحمة الحارس و حنان و لا هنا قاعدة هي و الشيبسي في وادي تاني خالص و سيف بدا يتكلم مع الراجل بالياباني
*و طبعا بما اني مش بعرف اتكلم ياباني هكتب فصحى و خلاص*
الحارس شاور على الأرض و بص لحنان بقرف و قال "ما هذا الذي تفعلونه نحن في مكان نظيف يعج بالزوار و السياح و لا يجب أن يكون بهذا المظهر المسيء"
سيف "اعتذر.. اعتذر لك كثيرا سوف نغادر المكان الآن اتمنى ألا نكون قد ازعجناكم"
و دور وشه لسة علشان ينده على حنان علشان يمشه لقى الظابط بيمسك ايده بيقول
"مهلا تمهل أيها الرجل فعليك دفع غرامة خمسمائة ين مقابل أحداث هذه الفوضى "
سيف اتصدم من الرقم لأن ٥٠٠ ين ياباني كتير مش شوية بس هيعمل ايه مضطر يدفعهم و فعلا طلع المحفظة و دفع الفلوس و بعدها شد حنان من هدومها و هو بيقول "قومي قومي يا حنان و هاتي حاجاتك علشان نمشي "
حنان" اقوم ليه بس ما تخلينا قاعدين "
سيف" يلا يا بت تعالي هنا من غير نقاش"
و فعلا حنان قامت و مجرد ما قامت سيف مسكها من ايدها و مشي بخطوات واسعة لحد ما بعدوا عن المكان و قال "انتي عارفة انا دفعت كام دلوقتي"
حنان" هيكون كام يعني و بعدين انت دفعت فلوس ليه"
سيف" غرامة بسببك يا آخرة صبري "
حنان "ده انا لو عديت شعر راسك هلاقيه اقل من عدد المرات اللي انت قلتلي فيها يا آخرة صبري"
سيف "يعني انتي مركزة في دي و ناسية خالص حوار الفلوس اللي انا دفعتها "
حنان" دفعتها ليه"
سيف" دفعتها غرامة على الأكياس اللي رميتيها في الأرض دي"
حنان" دفعت كام بقى "
سيف "٥٠٠ ين ياباني "
حنان قالت و هي مش فارق معاها" فدايا "
سيف" طيب علشان فداكي دي هنروح نتسحر في البيت و ننام مش هشتري حاحة تانية خالص "
و نروح عند هاشم و هشام تاني
عمار رن على هشام و قال" هشام بيه احنا هنعمل الصفقة بكرة بإذن الله"
هشام" اللي يشوفك و انت بتقول بإذن الله ميشوفكش و انت بتتفق على صفقة أسلحة و مخدرات "
عمار" ايه يا هشام بيه انت ناسي ان ممكن التليفونات تكون متراقبة "
هشام" لأ مش متراقبة انا مؤمن الأرقام كويس و حاطط عليها شفرات مستحيل تتفك "
عمار" تمام يا هشام بيه نتقابل بكرة الساعة ستة و ربع علشان الكل هيكون بيفطر فنقدر ناخد راحتنا و نطمن "
كان هاشم بيتكلم بأريحية اوي و مخدش باله ان هاشم فاق عن الأول و كان قاعد على السرير التاني مركز مع كلامه"
و هنا هاشم قال بعد ما هشام خلص و قفل المكالمة خلاص" في ايه يا هشام قررت معاد العملية خلاص"
هشام "اه خلاص حددناه يا هاشم هتبقى بكرة الساعة ستة و ربع علشان الكل هيكون بيفطر ساعتها و محدش هيركز معانا "
هاشم" قصدك الظباط هما اللي هيكونوا بيفطروا علشان هنا اليابان مش كلهم مسلمين"
هشام "مش هتفرق المهم ان اي حد ماسك القضية هيكون بيفطر "
هاشم" اه طبعا ياه لو اخد ربع عقلك بس هروح في حتة تانية "
و بعدها كمل بهمس" يا حسرتي عليك يا اخويا مش مكفيك الظلم و الاجرام ده حتى عقلك خف "
هشام" انت اللي بتضيع عقلك بكرهك لشغلنا يا بني اشتغل بحب و هتلاقي نفسك بقيت باشا و عقلك كبير و الدنيا كلها هتعمل ليك الف حساب "
هاشم قال بسخرية" اه طيب ماشي هشتغل بضمير "