رواية حكايه لم تنتهى بعد الفصل التاسع9 والعاشر10 بقلم هبه احمد
قمر / انا مش عوزة اعرفكم تانى و قفلت الفون
لمياء /كلمتها تانى احنا لو كنا وحشين ايه اللى خلاكى تفضلى معانا لحد دلوقت
قمر / انا ماشية و ياريت تبعدوا عنى انا واحدة يتيمة امها تعبانه تحت مننا علشان نكون حاجة
لمياء / لسه فاكره انك يتيمة و غلبانه انتى لازم تفوقى و تفصلى زى الكلب معانا الا انتى عارفه لو صورة واحدة وصلت امك هيحصل ايه و لا امك اللى بتاجى تشتغل عند ام هناء مقابل اعطاكى درس ببلاش معانا يا بنت ولا بلاش
قمر / بنت الشغالة بس الحمد لله بتصرف علينا بالحلال
لمياء / سلميلى على الحلال يا بنت الشغالة حافظى على نفسك لو قدرتى
قمر / الله خير حافظ و مشت تبكى
مها / فاتحة اللاب توب بتاع عمار لقت رسالة من ايميل قمر بتقول
خلى بالك من نفسك انا خايفه من هناء و لمياء لمياء بتهددنى و جابت سيرتك كمان
مها / مردتش وقفلت الجهاز وخرجت ماما اطلعى هتعمل الاكل بدالك
ام عمار / اعملى انا هاروح لخالك مرتضى اشوفه كان عند الدكتور
مها / هو يعرف انك خارجة
ام عمار / أيوة مهو عنده ولسه مكلمنى
مها / ماشى بلاش تأخير
عمار / مها عوز سندوتش جبنه أو اى حاجة
مها / تعالى هنا ناكل مع بعض
عمار / تعالى ياقمر مالك فى ايه
مها / والله يا اخ عمار قمر بعتتلى رساله بتقول فيها وحكتله
عمار / قمر شكلها غلبانة مش زى هناء و التانيه هى اسمها ايه
مها / اسمها لمياء
عمار / انتى الحمد لله خليكى فى حالك وانا بوصلك واجيبك و ماجى معاكى
مها / صح كلامك الاكل الا انت ليه كده
عمار / ازاى يعنى
مها / بتعملنى بهدوء من غير ما تتعصب عليه
عمار / انا لو كنت اتعصبت عليكى قبل ما نروح للدكتورة كان زمانك ميته و غير كده سمعتك كانت هتكون على كل لسان
مها / انت احسن و اطيب شخصية شوفتها في حياتى ربنا لا يحرمني من وجودك في حياتي و باست ايده
صابر / ايه ده انا جعان بجد
عمار / هاتلك كرسي و تعالى الاكل كتير
كريمة / رقية خلصتى
رقية / ايوه الاكل خلص فوقية نيمت اخواتى
كريمة / ماشى ابوكى شكله جه
حنفى / السلام عليكم
كريمة و عليكم السلام حمد الله على سلامتك
حنفى / الله يسلمك
كريمة / الغدا جاهز يلا ياولاد
حنفى / عوزك فى كلمتين الاول
كريمة / تعالى نتغدا وبعدين الاول
بعد الغدا
كريمة رقية لمى الاكل و بلاش شاى دلوقت خير يا حنفى اتكلم
حنفى / تعالى جوه لوحدنا
كريمة / خاضر اتفضل اتكلم خير
حنفى / انا عوز اتزوج و انتى هتفضلى هنا في بيتك معززه مكرمه و مصروفكم هيوصلكم كل شهر
كريمة / هتزوج ليه هو انا منقصاك حاجة
حنفي / حقى الشرع محللى أربعة
كريمة / وحقى انا فين
حنفى / حقك تربى ولادك
كريمة / ما اتزوجت اربع مرات عرفى واخر واحدة خرجتك بشبشب الحمام و البيجاما الشارع ولا فاكر انى مش عارفه
حنفي / انتى بتجسيسى عليه ولا المحروسى اخوكى هو اللى بتجسيس عليه
كريمة / بلاش تخرج من الموضوع انا قصرت في حقك فى ايه علشان تتزوج عليه
حنفى / انا حر حقى
كريمة / وفين حقى فيك
حنفى / ليكى يومين في الاسبوع
كريمة / ههههه ما بتكون نايم جنبى زى الصنم مبيهنش عليك حتى تبصلى
حنفى / انتى مش شايفه نفسك عاملة ازاى دانتى بقيتى شبه الدميه
كريمة / انا رافضة انك تتزوج عليه
حنفي / براحتك و كلامك مش هيمنعنى انى اتزوج و اعيش حياتي
كريمة / و حياتى انا
حنفى / حياتك لولادك و ده الطبيعي
كريمة / لو اتزوجت تطلقنى فاهم
حنفى / يبقى انتى اللى عوزة تهدى البيت
كريمة / البيت علشان يفضل جامد لازمه جدران و سقف مش بيتك اللى بقى مخوخ ايل للسقوط
حنفى / انا قولت اللى عندى هاتزوج يوم الخميس
كريمة / هتطلقنى الاول
حنفى / ساب بيته و خرج راح عند أمه اللى ساكنه في نفس القرية بس بيتها بعيد شويه
رقية / ماما اخويه مالك بيرجع و جسمه ساخن جامد اوي
كريمة / قامت بتبص وجدت مالك فعلا تعبان مش قادر ياخد النفس كلمى ابوكى ياجى نروح للدكتور
فوقية / تليفون بابا هنا نسى ياخده معاه
كريمة / كلمى خالك عمار يلحقنى اخواكى هيموت مننا
رقية / كلمته و خالى صابر هو اللى جاى بعربية جدى
كريمة / خليكم مع بعض لحد ما ناجى
صابر / السلام عليكم ماله مالك
كريمة / بسرعة الولد هيموت
مننا
صابر / هو حنفي فين
كريمة مش عارفه يلا بسرعه
صابر / تعالوا يا ولاد اوصلكم عند ستكم الاول
كريمة/ هم يروحوا مع بعض
صابر / مينفعش هيمشوا ازاى فى الشارع
عند الدكتور
صابر / لو سمحتى معانا الولاد تعبان جامد ممكن ندخل
الناس الموجودة خليه يدخل الاول ربنا يشفيه يارب
دكتور رجب / بعد الكشف انتى ست مهمله انا ممكن ابلغ عنك
كريمة / مش وقته الكلام ده الولد تعبان
دكتور رجب / ابنك ميت اصلا ده خلاص بيطلع فى الروح
صابر / اعمل اللى عليك وسيب الباقى على الله
دكتور رجب / هات المحلول و العلاج ده بسرعة
صابر / حاضر وراح جابه وجه
دكتور رجب / انتى ام مهمله ازاى الولد يوصل للمرحلة دى اهو هيموت وترتاحى منه
كريمة / ابنى هيعيش بأذن الله يادكتور
صابر / أن الله على ك..... ..
رواية / حكاية لم تنتهى بعد
الفصل (10)
.................
كريمة / ابنى هيعبش بأذن الله يادكتور
صابر / أن الله على كل شيء قدير تشكر يا دكتور المفروض تعطى للمريض الامل مش تحبطه
دكتور رجب / اصل اول مرة ياجى طفل مريض بالتهاب رئوي و ونزله معوية حادة
صابر / انا دكتور صيدلي اللى اتعلمته أننا نعطى المريض الامل مش حضرتك اسف انت مش دكتور حضرتك جزار هى عارفة أنها غلطانه و أهملت مع ابنها الصغير تشكر يا دكتور
دكتور رجب / اسف والله
كريمة / انا مش زعلانه منك انا حزينه على نفسى اوى
دكتور رجب / ان شاء الله هيكون بخير و انتى لازمك فيتامينات ونظام غذائي و هتكونى بخير ان شاء الله
كريمة / ابنى ربنا يمن عليه بالشفاء والعافية و أنا هاكون بخير اشكرك يادكتور
دكتور رجب / المحلول ده الولد يعيش عليه لمدة اربع ايام متواصلة و خلوا بالكم الولد يلبس حفاضات على طول لحد ما يتم شفائه
صابر / مسك ايد اخته و ركبها العربية خليكى لحد ما اجيب العلاج شوية و جه بكرتونه كبيره مليانه عبوات محلول هو دي علاج ابنك ان شاء الله هيكون بخير هو حنفي فين
كريمة / عند امه وساب تليفونه في البيت وانا كنت عاوزه انجد ابني ما لقيتش غيرك
صابر / كلنا تحت امرك يا حبيبتي بس ده مش حقيقي اكيد في حاجه انا حاسس بكده دموع بنتك بتدل ان في حاجه
كريمة / مش وقته ممكن تكلم عمار انا عاوزاه ضروري
صابر / زمانه وصل البيت انتى عارفه ان مها اخر يوم في الامتحان النهارده
كريمة / ربنا يكتبليها النجاح ويحقق امنيتها ماشى انت هتعمل ايه
صابر / هاعلق لابنك محلول على ما نوصل يكون خلص كل دقيقه بتمر على ابنك لو ما انتظمناش في علاجه هيموت
كريمة / هينفع المحلول في العربيه
صابر / ان شاء الله نايميه على رجلك نعلقله المحلول
كريمة / ربنا يسترك وييسر امرك يا رب
عمار / تعرفي يا حبيبتي لو دخلت كليه الطب اقسم بالله لافتح لك الشقه بتاعه المركز عياده خاصه بيكي
مها / املى في ربنا كبير انا عملت اللي عليا وربنا عليه الباقي هو القادر ان يحققلي هدفي هتعمل ايه مع باقي البنات
عمار / قمر طلعت بنت غلبانه كانت ماشيه وراهم زي الهبله انما لمياء لازم اقرص ودنها شويه
مها / طب وهناء هتعمل معاها ايه
عمار / ولا حاجه انا اخذت التليفون اللي عليه كل حاجه تخصك وهي هتدفع ثمن اخطائها بنفسها ربنا بيستر مرة و اتنين وتلاته و بعد كده بيجعله عبره
مها / بالله عليك طالما اني معهاش حاجه من الصور اللي صورتها لي سيبها بلاش تظلمها ده بنت بروضه لها اب وام بلاش تقهرهم عليها
عمار / صدقيني هي اللي هتقع في شر أعمالها والله ما هاجى ناحيتها فكك بقى صابر بيرن عليا وبيقول كريمه عندنا هي واولادها شكلهم كده في حاجه بينها وبين حنفي
مها / بمناسبه حنفي انا شوفت حنفي من كذا اسبوع ماشي معاه بنت انما ايه مزه جامد كعب عالي وشعر منكوش ومكياج نص كيلو بصراحه عارف انعام سالوسه احسن منها
عمار / عارف وحذرته كذا مره بلاش تزعل اختي بلاش اشوف دموع اختي بسببك انا لو اختي حسيت انها حزينه بسببك هنكون اثنين اقسم بالله ما هخليك تعرف تنام
مها / حنفي بقاله ريش وهيطير يلا تشكر يا اخ على التوصيل امال هدومى هتيجي امتى من الشقه بما اننا خلصنا امتحان وهننتظر النتيجه
عمار / هاخذ العربيه وارجع اجيبهم مش هم الشنطتين بس
مها / واللاب توب ونسيت التليفون ابو زراير كمان عاوزه تليفون جديد علشان خاطر الكليه
عمار / لو كليه عاديه هو التليفون ابو زراير ده قيمتك اما لو طب او صيدله ان شاء الله احدث فون ومن جيبى الخاص هديه لاجمل اخت انزلى مش عاوز اعرفك
رقية / ماما هنا و اخويه مالك تعبان جامد
عمار / الف سلامه عليه هى فين
رقية / فى الاوضة بتاعتنا
عمار / ماشى يا قلبي
مها / تعالى نروح نشوف مالك هو عامل ايه دلوقت
رقية / الحمد لله بدأ يكون بخير
عمار / حبيبتي اللى وحشاني
كريمة / بدموع عوزة افضل هنا مش عوزة اكمل حياتى معاه
عمار / ليه هو ايه اللي حصل
كريمة / هو عوز يتزوج وده حقه و انا من ابسط حقوقى انى ارفض اعيش معاه
عمار / فكرى كويس الاول انتى معاكى ولاد محتاجين وجود اب فى حياتهم
كريمة / ابوس ايدك طلقنى منه انا حاسه ان جوايا بيوجعنى اوى
عمار / مليون سلامه عليكى ياغالية بكرة نتكلم وصلى ركعتين استخارة وفكرى كويس
كريمة / حاضر خليك جنبى انا حاسة أن ضهري مكسور
عمار / متخفيش اجمدى خلى بالك من ولادك
مها / انا عملت جيلى خدى شوفى يا رب يعجبك
كريمة / انا اسفة انى مكنتش عوزاكى تكملى تعليم كنت ماشية وراء كلام حنفى من غير تفكير
مها / ولا يهمك انا الحمد لله هانجح و ادخل كليه الطب و هاكون حاجة
كريمة / ربنا يوفقك يارب
صباح جديد
الحاج جعفر/ الفطار يا ام سعد
ام سعد / الفطار جاهز
ام عمار / يلا ياولاد الفطار
عمار / السلام عليكم
الحاج جعفر / اختك عاملة ايه دلوقت و ابنها الصغير كويس
مها / الحمد لله بيلعب اخواته جنبه
عمار / اختى ع.........
يتبع