رواية الجحيم هو انت الفصل الثالث عشر13 بقلم سوليه نصار
بعد وقت طويل بعد عني وسابني ابكي ...أنا قاومته لحد الآخر بس هو كان أقوى مني ....كنت وقتها قر.فانة من نفسي اووي ....حاسة اني همو.ت من القـ هر والقر ف ....ضميت نفسي وفضلت اعيط وانا بفكر اني مش هقدر اخد رد فعل ...محدش هيرضى يساعدني ..فضلت اعيط لحد ما نومت من التعب ...
.......
مرت الايام والاسابيع وانا بعيش الجحيم معاه لحد ما في يوم اكتشفت اني حامل تاني ....وحده بسبب المرة اللي اعتدى عليا فيها ....
........
كنت بعيط والدكتورة بتتكلم معايا وقالت:
-للاسف انتي حالتك صعبة اووي ...الحمل ورا بعض عمل ضر ر في الرحم....
مسحت دموعي وقولت :
-يعني هنزل البيبي ؟!
هزت الدكتورة راسها بأسف وقالت:
-للاسف كمان الحل ده فيه خطر كبير اووي على حياتك ...سواء نزلتيه او سيبتيه فيه خطر ....أنا بقول تكملي افضل ده أقل خطـ ر عليكي بس ترتاحي تماما ومتبذليش أي مجهود ....
..........
-هو انتي كل شوية تحملي؟
زعق جلال فيا وانا قاعدة على الانتريه ببص لبابا اللي قاعد قدامي ....بترجاه بعينيا انه يتدخل بس بابا ودا وشه الناحية التانية ومهتمش بيا خالص ....
-انطقي !!!
زعق مرة تانية فبصتله بغضب وقولت:
-والله ده بسببك أنت ...ولا نسيت أنك اعتديت عليا واخد تني بالغصب ....
-مفيش حاجة اسمها اعتد ي عليكي ....ده.جوزك يعني من حقه يعمل اللي هو عايزه ...
قالها ابويا ببرود ...بصتله بصدمة ...هو لما اتكلم بقا في صفه....عيوني دمعت وانا شايفة ابتسامة شمتانة على وش جوزي ...كان فرحان فيا اووي ان ابويا اتخلى عني للمرة المليون ....
مسحت دموعي اللي نزلت وقولت:
-انا مقدرش انزله ...لو اجهـ ضت إحتمال كبير امو.ت لو هتتحملوا المسؤولية أنتوا انزله ...بس مستعدين تتحملوا المسؤولية لو حصلي حاجة ؟!
-ايوة مستعدين نتحمل المسؤولية لو مو.تي ...يالا اجهـ.ضي...
قالها ابويا وبعدين كمل:
-لو حصل وكملتي الحمل ده متدخليش بيتي تاني ....
اتكلم جوزي أخيرا وقال:
- ولا هتقعدي في بيتي كمان وخلي بالك أنا لما اخلص كليتي هروح الجيش يعني وقتها أنا مش هصرف عليكي وعلى بناتك ...اتصرفي انتي بقا ...
بصيت لبابا عشان يتكلم ....يعمل أي حاجة صح معايا ....يقف جمبي ...بس ودا وشه الناحية التانية ومتكلمش ....وانا سكتت من قـ هرتي ...
.....
وقتها حسيت ان الدنيا اتقفلت في وشي ...جوزي وابويا كانوا عايزين يمو توني ويمو توا ابني بس ربنا وقف معايا عشان بعدها بكام يوم امي اشتكت لجدتي اللي هي طلبت اني اجي عندها وهي هتهتم بيا وفعلا قعدت عندها لفترة لحد ما حمايا جالي وقالي ارجع وهو اللي هيدفع مصاريفي....
.....
مرت شهور الحمل بشكل صعب جدا عليا ...كنت بعيط كل يوم من الأ لم .....وفي آخر حملي اتحجزت في المستشفى بسبب تعبي ....وأخيرا ولدت.بنتي الاخيرة تقى واللي للأسف طلعت تعبانة وعندها ثقب في القلب....
كان كل حاجة على راسي مر ض بناتي ومعاملة ابويا الو حشة وخيا نة جوزي ...
......
مرت الأيام وانا بجري ببنتي ...لحد
-بقولك مفيش اكل للبنات انت ايه معندكش دم ...
صرخت بغضب فبصلي.ببرود وقال :
-وأنا معييش فلوس اصرف عليكي ...روحي اشتغلي يالا....
وبعدها سابني ومشي ...عدت الايام وحمايا هو اللي بيدفعلي فلوس وجلال راح الجيش ورفض يبعتلي اي فلوس ...لحد ما فاض بيا ...
.......
-بابا أنا جتلك النهاردة أمد ايدي ليك لآخر مرة واقولك اني محتاجة مساعدة منك ...بابا أنا معترفة اني غلطت لما هر بت مع واحد زيه ...عارفة اني استاهل اللي يحصلي وانا بعتذر منك وبطلب منك تساعدني ...
بصلي ببرود وقال:
-عايزة ايه ؟!
-عايزة اتطلق....اقف جمبي عشان اتطلق منه وهشتغل وانا هتحمل مصاريف بناتي بس خليني ابعد عنه ...أنا مش عايزاه تاني ...ساعدني عشان أطلق .....
-لا ..معندناش بنات تتطلق...
-يا بابا ده انسان و حش ...بيخو ني ويضر بني ومش بيصرف على بناته ....
-مش ده اللي اختارتيه وهر بتي معاه وحطيتي راسي في الأرض عشانه...يبقى خلاص متتكلميش ولا كلمة ...هو بالنسبالي انضف منك ...انتي بعتي نفسك بالر خيص فمتجيش تتكلمي دلوقتي ...
دموعي نزلت بقهـ ر وقولت :
-أنا اسفة اني افتكرت انك هتساعدني ودي اخر مرة بجد هطلب منك تساعدني ...انت اصلا طول عمرك ر اميني ولا كأني بنتك ...
قومت وقولت وأنا بعيط :
-اقولك ليه المرة دي مصرة على الطلاق ....لاني الإنسان اللي انت بتقول عليه اشر ف مني بدأ يبص على اختي الصغيرة ...كل ما كنت اجي هنا معاه أو هي تجيلي مع ماما كنت بلاحظ كده ....هو ده اللي اشر ف مني بيبص لأختي !!!
وبعدين سيبته ومشيت. ...ومحطتي التانية كانت معروفة ...حمايا !!
.......
كنت قاعدة قدام حمايا وانا بعيط ....
-اهدي يا بنتي وقوليلي ايه اللي حصل ؟!
مسحت دموعي وقولت:
-عمي انت الوحيد اللي ساعدتني ...انت الوحيد اللي وقفت معايا بعد ربنا ....فممكن لو اتطلقت من ابنك متتخلاش عني ؟!أنا قررت اتطلق من جلال خلاص مليش عيشة معاه. ..هتقف جمبي