رواية حكايه لم تنتهى بعد الفصل التاسع عشر19 والعشرون20 بقلم هبه احمد
جندل / لا انا عوز اتزوج
عمار / غالى و الطلب رخيص نزوجك ملكة جمال
جندل / ههههه و ملكة الجمال هترضى تتزوج راجل طوله 70 سم على ايه ههههه
عمار / يكفى انك راجل بمعنى الكلمة
جندل / تسلم يا اخويه منحرمش منك
مها / فى الفون انتى فين انا جعانه
ماجى / انا هانزل من التوكتوك على بابكم
مها / نزلت تجرى حمد الله على السلامه نورتى يا طنط
ام چورچ / دنورك يابنتى
ماجى / طنط ام عمار انتى فين انا جعانه
ام عمار / اتفضلوا نورتوا يا مرحب
كريمة / انا عوزة اكل معاكم
ام عمار / بنتك كلمت ابوها
كريمة / ايوه و رد عليها قال عندكم جدكم و خالكم عمار و صابر يزوجوكم و يشيلوا همكم انا مش فاضي ولا معايا اجهز حد
مها / سبحان مغير الاحوال حنفى اللى كان زى العجينه بيقول كده
كريمة / حنفى كان بيقول نعم و حاضر و هو كان متزوج عرفى من بعد زوجى منه ب9 سنين
مها / الحمد لله انك عندك اب و اخوات بيحبوكى انتى و ولادك
كريمة / الحمد لله
ام عمار / الاكل يلا يا كريمة كلمى ام بدرى تنزل تاخد الاكل ده
كريمة / عندنا كشرى مصرى مشطط
ام عمار / تاخده كمان العيال بتاكل
مها / بلاش اكل حامى ليكى
كريمة / دانتم بتأكلوا جيش احنا 13 فرد اكل وشرب و دكاترة و علاج
مها / كله برزقه خير ربنا كتير ربنا يباركلك فيهم
كريمة / هو بابا فين
ام عمار / فى المركز زمانه جاى
ماجى / هنسافر السبت ماشى نشوف النتيجة
مها / النتيجة بتتعلق مع بداية العام الدراسي الجديد ياقمر عوزين نشترى لبس جديد
ماجى / طنط مريم عادل صاحبه اتيليه مريم عندها حاجات كتير عظمه
مها / عندها لبس محجبات
ماجى / عندها كل حاجة
قمر / ماما فى واحد اسمه سامى كمال حيدر هو صاحب قهوة مرأته سافرت مريكا و خلعته هو على كلامه بيقول شقته جاهزة عوز يطلب أيدى منك
ام قمر / دانتى عارفه عنه كل حاجة ايه لازمه رأي امك الغلبانه و المحروس يعرف أن امك بتمسح سلالم وبتنضف شقق
قمر / والله ما قعدت ولا اتكلمت معاه هو اتكلم مع مدام غادة صاحبه المحل
ام قمر / قولى لمدام غادة على ظروفنا كلها لو وافق عليها اهلا بيه
قمر / هو على كلام مدام غادة بيكون ابن خالتها عارف كل حاجة عننا
ام قمر/ اعطيها رقم عمك يحدد معاه ميعاد
قمر / لا الا عمى كان فين عمى لما رحت اطلب مساعدته لما كانت رجلك مكسورة و طردنى وقال انا اخويه مات و ماتت ذريته ومرأته معاه
ام قمر / الواجب أنه يعرف
قمر / اللى متعرفهوش أنه جه هددنى فى المحل كذا مرة و كان عاوز ياخدنى غصب عنى معاه ويكتب كتابى على ابنه المعاق علشان اخدمه و امرضه
ام قمر / اكيد بتخرفى د ابنه ربنا يشفيه بيعمل حمام فى الفراش مش بيقدر يتحرك
قمر / علشان كده مدام غادة طلبت منى اوافق على العريس ده علشان عمى يبعد عنى وبتقول أنه إنسان كويس و عارف ظروفنا كلها
ام قمر / صلى ركعتين استخارة وفكرى كويس ملكيش دعوة بظروفنا فكرى فى مستقبلك وبس احنا بخير
قمر / حاضر بس انا خايفه من عمى اوى انا باشوف حازم ابن عمى بيحوم جنب المحل هو و معاه واحد شكله مش كويس
ام قمر / و جايه تتكلمى دلوقت
قمر / مكنتش عوزاكى تقلقى عليه مدام غادة ربنا يكرمها بتوصلنى لحد اول الشارع كل يوم
ام قمر / ربنا يحفظك و يبعدهم عنك نامى دلوقت
صباح جديد
عمار / رقية تعالى كلمى جدك
رقية / حاضر السلام عليكم
الحاج جعفر / و عليكم السلام تعالى جنبى الفطار ياولاد
رقية / هاروح اجيب الاكل
الحاج جعفر/ لا انا عوز اعرف رأيك فى الدكتور محمد
رقية / أبويه خلع ايده مننا دقالى عندك جدك و خالك عمار و صابر يشيلوا همكم طب لما احنا هم كان خلفنا ليه
عمار / خلفكم علشان احنا نسعد بيكم الدكتور محمد ماشاء الله عليه انسان محترم وعلى دين و خلق
رقية / حتى لو وافقت مين هيجهزنى ما أبويه خلع
عمار / جدك لسه عايش الحمد لله لو على جهازك يكون عندك بمكالمة تليفون المهم انك تكونى مقتنعة
الحاج جعفر / متشليش هم حاجة انتى اقعدى معاه بعد صلاة الاستخارة و ربنا يقدم اللى فيه الخير
رقية / عوزة اكمل تعلمى
عمار / حقك و اعتقد انه مش هيرفض
رقية / باست ايد جدها و بكت كتير
حنفى / اتزوج ست اكبر منه معاها اولاد شباب و ضغطوا عليه فكتبلها بيته وفى الاخر طردته منه خرج راح قعد مع أمه
ام حنفى / كل اللى انت فيه ده ذنب كريمة و ولادك
حنفى / انا مش عوز اسمع اى كلام انا تعبان جامد عوز انام فى مكان ضلمه
ام حنفى / نام ربنا يهيئ لك خير
رقية / قعدت مع دكتور محمد اللى طلع انسان محترم جدآ
رقية / ممكن اعرف انت متقدملى ليه
دكتور محمد/ لما شوفتك عجبتينى
رقية / بس انا أبويه
دكتور محمد / انا عارف كل حاجة بلاش تتكلمى و كمان موافق انك تكملى تعليملك انا معاكى لحد ما تقولى انا اكتفيت
رقية / بتتكلم بجد
دكتور محمد / ايوه ده حقك
رقية / انا نفسى اخد حتى دبلوم
دكتور محمد غلط الم.......
رواية / حكاية لم تنتهى بعد
الفصل (20)
~~~~~~~
رقية / انا نفسي اخد لو حتى دبلوم
دكتور محمد / غلط المفروض يكون عندك طموح اكبر من كده
رقية / يعنى انت موافق اكمل تعليمى
دكتور محمد / ايوه طبعا و هاساعدك فى كل حاجة حتى شغل البيت
رقية / ممكن سؤال
دكتور محمد / اتفضلي
رقية / اشمعنى انا فيه بنات كتير اجمل منى و كما متعلمين و زملاء ليك فى الكلية
دكتور محمد / لانك عجبانى بنت جدعة و محترمة
رقية / رد مش مقنع
عمار / السلام عليكم هاتى العصير يا رقية ممكن
رقية / حاضر يا خالى
كريمة / ايه رأيك ارتحتى
رقية / بصت فى الارض و ابتسمت
ام عمار / ربنا يوفقكم و يسعدكم يارب
دكتور محمد / أبويه هيجى بالليل يطلب أيد رقية مع امى
عمار / ينوروا
رقية / العصير يا خالى
عمار / نادى على امك وستك وتعالى
رقية / حاضر ماما كلمى خالى انتى و ستى
كريمة / خير يااخويه
عمار / تعالوا اقعدوا مع الدكتور محمد
ام عمار / السلام عليكم
كريمة / السلام عليكم
عمار و دكتور محمد /.وعليكم السلام
كريمة / ممكن اعرف اذا كنت هتقعد فى البلد ولا فين
دكتور محمد / زى ما انتم عارفين انا عندى بيت خاص بيه فى أول البلد دورين بدروم وفوقه شقتين بدورين شقة هتكون عيادة و التانيه هنعيش فيها الدور اللى العروسة تختاره هيكون شقتنا و التانى عياده
كريمة / دبيتك والمكان اللى يريحك اعمله عيادة
عمار / لو حصل نصيب خلى الدور الثاني عيادة اكيد هيكون فى المرضى تعبان ميقدرش يطلع التالت
كريمة / خلى بالك كلامك مع جدها .و خالها صابر و عمار ابوها تعبان شويه
دكتور محمد / انا فاهم الوضع و شارى رقية و تحت امركم فى اى طلبات
عمار / الكلام مع أبويه
دكتور محمد / هامشى انا السلام عليكم
ام عمار / سلم على الحاجة رسمية
مها / فى الفون السلام عليكم مين حضرتك
هناء / انا هناء يانور عيني
مها / النمرة غلط و قفلت وقعدت تبكى
رقية / مالك يا خالتى بتبكى ليه
مها / هو خالك عمار فين
رقية / كان بيوصل دكتور محمد هو فى ايه مالك انتى بتبكى ليه
مها / مفيش عوزة خالك عمار كلميه ياجى بسرعة
عمار / انا هنا خير ياقمر
مها / عوزة اوريك حاجة
عمار / اغسلى وشك وتعالى نروح الأرض
مها / والله انت حبيبى
عمار / هاطلع الموتوسيكل ماشى
مها / بقولك مش مستاهلة كل الحكاية هناء لسه مكلمانى وانا خوفت منها وقفلت الفون
عمار / طب عرفت رقمك منين
مها / معرفش انا خايفه منها اوى
عمار / افتحى فونك و انا جنبك
مها / هاسجلك المكالمة ماشى
عمار / هاتى فونك و اخد منه الخط و وضعه فى فونه اتكلمى اكيد هى و ضغط على زر تسجيل المكالمات
مها / السلام عليكم مين معايا
هناء / ما قولتلك انا هناء ياقلبى بصى هما كلمتين واسمعيهم و نفذى المطلوب منك و من غير مناقشه و الا فضحتك
مها / انا مش عاوزه اعرفك ولا اكلمك ابعدى عنى
هناء / انا مش طيقاكى بس المصلحة تستدعى انى اكلمك
مها / جبتى رقمى منين
هناء / من شخص قريب منك من السنترال اللى اشتريتى الخط منه المهم عوزكى بكرة الساعة 3 بعد الضهر ضروري
مها / ليه أن شاء الله
هناء / متخفيش اجمدى خلى عندك طموح فى ناس معاها فلوس اد دماغك عوزين شويه دلع وفرفشة و هتطلعى زى ما انتى بنت بنوت متخفيش على مستقبلك
مها / اسفة مقدرش
هناء / بلاش تقولى لا الا انزل صورك اللى انتى عارفها على جميع قنوات التواصل الاجتماعي تويتر فيسبوك و كله وكمان لابوكى و اخواتك و كل معارفك
مها / انتى مريضة و عوزة تتعالجى
هناء / مريضة بيكى انتى بنت العمده الدلوعة اللى كل طلباتها مجابه و كمان دخلتى كلية الطب علشان كده غصب عنك هتاجى تقعدى مع الناس و تتصورى و انتى معاهم علشان اقدر ازلك
مها / انا غيرك انا الحمد لله طالبه فى كليه و هاكون دكتورة اعالج المرضى امثالك
هناء / هتاجى و هتقعدى مع الشيخ طلال وغصب عنك و هتنفذى اللى يأمرك بيه و انتى بتقولى نعم و حاضر و مبتسمه
مها / انا مش زيك انا إنسانة على دين و اخلاق مش شبهك
هناء / انتى لازم تكونى نسخه منى و غصب عنك
مها /بصت لعمار اللى كتب
(انا معنديش اسرار فبلاش تتعبى نفسك معايا )
هناء / لو مجتيش بكرة فى الميعاد هاجى لحضرة العمدة واقوله انك معايا بتقعدى تفرفشى الزبائن ومش بتروحى الكلية
عمار / كتب طب ممكن بلاش بكرة وابعتى العنوان بشرط تكونى موجوده
هناء / تمام بعد بكرة الساعة 10 الصبح و هاعملك اجمل حفلة استقبال و العنوان هابعتهولك بعد بكرة و انتى جايه فى الطريق
مها / حسبى الله ونعم الوكيل فيكى
هناء / حسبنى براحتك المهم تحضرى مبتسمة يا بنت العمدة المحترمه هههه
عمار / اخد الفون من اخته اقسم بالله لاعلمك الادب يازبالة
مها / خليك جنبى بالله عليك
عمار / انا ماشي نص ساعة وجاى
مها / هاطلع فوق خايفه افضل لوحدى
عمار / اقعدى كلمى رقية الا شكلها قلقانه
مها / هو عمى عباس جاى بالليل هو و خالتى رسمية يطلبوا ايد رقية
عمار / ايوه بس حنفى مش جاى
مها / حنفى ص......
يتبع