رواية حكايه لم تنتهى بعد الفصل الثالث عشر13 والرابع عشر14 بقلم هبه احمد
صقر / قمر شكلها غلبانة و محترمة هاخلى جندل يوصلها الشنطة على البيت وفيها مبلغ كويس
عمار / و بالنسبة للأخت لمياء
صقر / هنشوف إذا كانت محترمة أما لا
مها / انتى عاملة أية وحشانى كتير
ماجى / و انتى كمان بقولك هاسافر سوهاج خال امى مات امبارح و محدش من اخواتى هيقدر يروح معاها عندهم شغل فى الورشة كتير
مها / ربنا يعينهم عندهم اولاد عوزين مصاريف
ماجى / كريمة بخير
مها / الحمد لله بخير
ماجى / الزفته هناء جت عندى و ماما شتمتها علشانك أصلها سمعتها بتقولى قولى لمها مش هاسيبها و تاجى تبوس رجلى علشان أخرجها من دماغى
مها / انا بدفع الايجار و معايا العقد
ماجى / عقد ايه مش فاهمة
مها / عقد ايجار السكن فى دماغها
ماجى / هههههه انتى مشكلة هى كان شكلها مش طبيعي بتتكلم كأنها مش عارفه افهمك
مها / هناء فى الضياع ربنا يبعدها عننا و يصلح حالها
ماجى / هنركب القطر هابقى اكلمك تانى
مها / بالسلامة يا غاليه
ام عمار / هاتى الطلبات دى و شوفى لو اختك عوزة حاجة كمان
مها / اختى عوزة عيش فينو علشان السندوتشات للولاد بقولك انا هاعمل عيش فينو نبقى نجيب حلاوة طحنية و مربى و جبنة
ام عمار / ام بدرى عاملة ايه مع اختك
مها / الصراحة هى ست كويسة و شغاله كريمة عوزة دكتورة تكتبلها مقويات علشانها هى و البيبى شكلها مرهق جدا
ام عمار / كتر خيرها منه لله حنفى غدر بيها
مها / حنفى طول عمر مدلع و جت كريمة شالت المسؤلية عنه وهو عايش حياته عادى ربنا أراد حياتهم تنتهى لحد كده هامشى اجيب الطلبات
صابر / على فين ياقمر
مها / ريحة لعمى مخلوف اعاكسه شويه
صابر/ ماشى متتأخريش عوزك فى مصلحة
مها / تعالى نجيب الطلبات بسرعة و احكيلى عوز ايه
صابر / لا انتى و عمى مخلوف كلامكم كتير و انا مليش فى اللكلوك
مها / ماشى جايه فى السريع
هناء / ايوة جايه حضرت المطلوب
هانى / طلباتك اوامر
هناء / مش عوزة اتأخر
هانى / ساعة واحدة وترجعى باشآ
هناء / اقفل ماما انا نازله هاتمشى مع اصاحبى ساعة زمن
ام جمال / متتأخريش ابوكى زعق كتير المرة اللى فاتت
هناء / حاضر يا ست الكل
ام جمال / ربنا يستر وابوكى ما يوصلش قبلك
صقر / فتح فون لمياء وجد صور كتير ليها ب لانجري و هى حاطه مكياج كامل و صور لمها وشكلها متبهدل و من غير حجاب
عمار / اه يا بنت الك...و ربنا لاعلمك الادب
صقر / طول بالك اهدئ
عمار / ايه ده كمان
صقر / هى واقعة تحت سيطرة هناء و جامد
عمار / مش قادر اشوف حاجة تانى هامشى.
صقر / الشنطة دى هابعتها مع جندل يوصلها لبيت قمر
عمار / و هاخلى امى تبعت لام قمر زيارة من خير الأرض
صقر / هو ده المفروض يكون دول شكلهم غلابة شنطتها قديمة اوى ومتخيطه كذا مرة بالابرة
عمار / اتصرف انت مع لمياء
صقر / هى محتاجة قرصة ودن علشان تبعد عن هناء
عمار / انا صدعت و ماشى
صقر / خدنى معاك يابنى وصلنى لقسم الشرطة
مسعود / عمل تعظيم سلام انا معملتش حاجة ياحزنك يابن عبد التواب على عشاك يانى يامه يخربيتكم هو انتم معندكمش اكل
عمار / كنا جعانين و الاكل خلص ايه المشكله
مسعود / المشكله انى هتعشى ايه
صقر / عيش وجبنه عادي يعني
مسعود / مش عاوز اعرفكم بعد كده
عمار / هى مرأتك خلعتك من شويه اكيد من بخلك ابو شكلك
مسعود / مرأتى خلعتنى علشان عوزة تكون امريكانية ياجاهل
صقر / مهو لو شبعتها مكنتش بقت امريكانية ههههه
مسعود / منكم لله فكرتونى بالماضى الجميل
عمار / لو كان جميل مكنش بقى ماضى
مسعود / النهايه مش عوز اعرفكم تانى
صقر / احنا جاين بكرة و عوزين حواوشي بالسدق ماشى
مسعود / عيونى على حساب مين فيكم
عمار و صقر فى نفس واحد على حسابك
مسعود / ياسواد السواد انا كنت عارف انكم جاين على طمع وخراب بيتى
عمار / بيتك خربان يا مخلوع
مسعود / المفروض تحسوا أنى مخلوع و عوز الحق اتزوج
صقر / اتزوج كريمة بنت خالتك
عمار و صقر هههههه
عمار / باقى الاكل فى التلاجة و المواعين مغسولة
صقر / ومش جاين بكرة سلام يا اخويه
مسعود / وربنا انت حبيبي انت و هو
صقر / ابقى بص على خالتك سليمه عاملة عمليه و فى المستشفى
مسعود / روحتلها امبارح و بتقولى وصيتك مبروكة لو مت اكتب عليها
صقر / اللى اعرفه ان مبروكة اكبر منك بكتير و كمان معاها 3 ولاد
مسعود / ما انا عارف وكنت عاوز اضرب نفسى بالجزمة أنى روحت شوفتها فى المستشفى هى عملت فيها عمى المهم و عوزة تكتب وصية
عمار / مش لازم تورث خالتك بعد ما تموت
مسعود / ياحزنى على شبابى اللى ضاع بين الامريكانية و مبروكة و ولادها
صقر / هههههه احنا هنكون شاهدين على عقد الزواج
عمار / الف مبروك يا ابو الولاد
مسعود / انا أسمى مسعود و حظى عكس اسمى انا موكوس
صابر / كلمتى ابوكى
مها / أيوة هو كويس الحمد لله جاى بعد يومين
صابر / النتيجة امتى
مها / الاوائل بعد بكرة والعادية يمكن الاربعاء
صابر / هو رقمك اللى فى فونك
مها / رقمى مع عمار و ده خط معلهوش غير رقمك انت و ماما و عمار و كرمله و ماجى
صابر / مبروك ياقمر طلعت التانى على المحافظة الرابعة على الجمهورية و ماجى الرابعة على المحافظة و السادسه على الجمهورية
مها / بتهزر صح دانا كنت باخد دروس في سنتر ماخدش ولا مادة عند مدرس خاص
صابر / الأهم من الدروس الخصوصية و المجموعة اللى فى سنتر الشخص اللى بيركز و عاوز ينجح مبروك يا قلبي
مها / بدموع ماما انا نجحت
ام عمار / احلام سعيدة كنا سمعنا البلد فيها زغاريد يعنى انتى اللى نجحتى لوحدك
مها / صابر اللى بيقول أنى نجحت و طلعت من الاوائل كمان
ام عمار / مفيش حاجه بعيده على ربنا
عمار / فى الفون مبروك يا حبيبتي انا جبتلك طقم تحضرى بيه مقابلة الوزير
مها / يعنى الكلام بجد
عمار / اختى لازم بأمر الله تطلع من الاوائل
كريمة / مبروك يا حبيبتي و الله فرحانه علشانك و اسفة انى كنت عوزاكى تتركى التعليم
مها / مفيش اسف ياحبيبتي انتي كنتى معذورة
فات كذا يوم
و فيهم تم تكريم مها و مارجريت فى وسائل الإعلام
هناء / بقى انتى و بنت القسيس تطلعوا من الاوائل و انا أسقط و ربنا لاوريكم ياولاد ال..لب
ام جمال / ما انتى لو كنتى مركزه مع دروسك كنتى نجحتى ابوكى بيقول خلاص دراسة مفيش
هناء / هاعيد السنه و هانجح
ام جمال / قمر و لمياء عملوا ايه
هناء /قمر نجحت57٪ و لمياء شيله مادة
ام جمال / من خب.......
رواية/حكاية لم تنتهى بعد
الفصل (14)
..............
هناء / قمر جابت 57 ٪ و لمياء شالت مادة
ام جمال / مهو من خابتك الكل نجح و انتى فاشلة جاتك الغم
هناء / انا هاسود مكتوبك ياج.مة انتى و هى
ام جمال / دمها و ماجى اللى طلعين الاوائل كانوا بياخدوا درس فى سنتر الفصل فيه اكتر من 50 طالبه و انتى المدرسين كانت بتاجيلك لحد البيت و سقطى جاتك وكسة
هناء / اكيد فى حاجة غلط
ام جمال / اكيد انتى اللى غلط غورى من وشى
هنا / و ربنا لأسود مكتوبك يا قمر انتى و لمياء و مها و ماجى كمان
مها / بابا اختى لازم تروح لدكتورة دى تعبانة جامد
الحاج جعفر/ هى رافضة يابنتى هاعمل ايه
مها / تروح بالغصب ولادها محتاجنها و انا عوزة اختى تكون قوية استند عليها وبكت
ام عمار / عمار اطلع شيل اختك نزلها و انت يا صابر هات العربية جنب الباب
مها / اجى معاكم
ام عمار / لا خليكى جنب ولاد اختك ام بدرى مش هتقدر ترعاهم لوحدها
مها / حاضر ياماما طمنوني
حنفى / نوال انا عارف ان البيت ناقصه عفش كتير هانت هالم المحصول و اجيبلك كل حاجة
نوال / معطلكش ياعنيه مش هاقدر اعيش فى ريحة البهائم و الناموس دى انا هامشى و انت عوزنى هاتلى شقة تمليك باسمى و تفرشها كمان
حنفى / روقى كده وكل طلباتك اوامر
نوال / مش بالكلام ياسبعى هاروح عند اهلى لحد ما تنفذ المطلوب منك يا تطلقنى و تدفعلى كل حقوقى
حنفى / بشويش عليه المفروض انتى عارفة كل ظروفى
نوال / مليش دعوه بظروف ولا جوابات عوز تكمل معايا تجيبلى شقة تمليك باسمى فى المركز وتفرشها يا تطلقنى و هاتزوج اللى يقدرنى و يعيشنى فى نعيم
حنفى / تعالى نروح نتعشا فى اى مطعم ونسهر عند اهلك نرجع
نوال / يلا هاتلى شنطتى من جوا و توصلنى عند اهلى و .
كريمة / بعد الكشف عليها
دكتورة عبلة / حرام عليكي نفسك انتى لازم تنامى على ضهرك الايام الباقية و تنتظمى فى العلاج
ام عمار/ حاضر يادكتورة
دكتورة عبلة / اى حركة وتعب العيل هينزل
كريمة / ممكن تكتبيلى حقن تثبيت
دكتورة عبلة /معدش ينفع حقن التثبيت لوحدها انتى عوزة مقويات و حقن فى المحلول خدى حقنه الرئه علشان هتولدى بدرى
كريمة / بكده مش هاقدر اخدم ولادى
ام عمار / ام بدرى معاكى و مها كمان
كريمة / مها رايحة الكلية
دكتورة عبلة / مبروك لمها ربنا يوفقها يارب
عمار / يلا يا قمر اشيلك
كريمة / لا هانزل درجة بدرجة
دكتورة عبلة / خلى بالك منها ياعمار يابنى
عمار / حاضر يا دكتورة سلمى على صقر باشآ
دكتورة عبلة / صقر مسافر مع مدير الأمن لآخر الاسبوع
عمار / يرجع بالف سلامه
دكتورة عبلة / أميمة رجعى الفيزيتا لام عمار
أميمة الممرضة / حاضر
بعد مرور 10 ايام
كريمة / ام بدرى الحقينى كلمى عمار انا تعبانة جامد شكلى هاولد
ام بدرى / كلمته يلا العربية تحت وانا حضرت شنطة البيبى
ام عمار / يلا يابنتى
كريمة / خلى بالك من ولادى يا ام بدرى
مها / انزلى انتى مستعجلة ليه مش كنتى تنتظرى لما اتخرج و انا كنت اولدك من غير فلوس اتعلم فيكى يعنى و طلعت لسانها
كريمة / امشى أبت ربنا يسعدك
بعد ساعتين
كريمة / ولدت بنت قمر ماشاء الله
الحاج جعفر / حمد الله على سلامتك ربنا يباركلك فيها
دكتورة عبلة / هاشوفها ممكن
الحاج جعفر / متشكر يادكتورة
دكتورة عبلة / انا تحت امركم
عمار / يارب يقويكى ويثبتك يا قلب اخوكى
دكتورة عبلة / هى بخير تقدر تروح معاكم و تاجى بعد اسبوع تفك السلك
عمار / جنبنا ممرضه بصراحه متمكنه من شغلها هتفكه تشكرى يا دكتورة تعبتى معانا
دكتورة عبلة / عيب تقول كده احنا اهل حمد الله على سلامتك بكرة تروح بالطفلة الوحدة الصحية تكتبها و تعمل المطلوب
عمار / حاضر
صباح جديد
مها / اجى معاك ماشى بشرط تجيبلى جيلاتى
عمار / عيونى للقمر هاتى بطاقة اختك و قسيمة الطلاق
مها / خد البطاقة و قسيمة الطلاق فى الشنطة
فى الوحده الصحية
عمار / السلام عليكم عوزين نعمل اللازم و نسجل الطفلة دى
الكاتب / فين تقرير المستشفى و بطاقة الاب و الام و حضرتك تقرب ايه للطفله
عمار / انا خالها وخد بطاقة امها و قسيمة الطلاق و بطاقتى انا كمان
الكاتب / لابد من حضور الام
حنفى / خد بطاقتى و سجل البنت انا ابوها
الكاتب / يعنى هى بنتك و هتسميها ايه يا استاذ حنفى
حنفى / خالها هو اللى هيسميها خلص بسرعة يا حازم (الكاتب) و خرج ركب عربيته و مشى لحد ما وصل لمكان خالى و قعد يبكى بصوت عالى
عمار / اسمها نورهان حنفى عبد التواب بلال
الكاتب / اتفضل شهادة الميلاد و الشهادة الصحية كمان حاجة تانية
عمار / تشكر يا استاذ
مها / حن ...
يتبع