رواية ملك الاقتصاد والقط الاسود
الفصل العاشر 10
بقلم شيماء طارق
في فيلا آسر الرفاعي.....
كانت روما ونهي يقومون بتنظيف الفيلا حسب اوامر آسر وهدي بينما آسر يجلس في الصالون وهو غاضب كثيرا فهو قد منع من الذهاب الي شركاته إبتسم بسخريه عندما تخيل معرفه احد بأن آسر الرفاعي ملك الاقتصاد تم منعهزمن الذهاب الي عمله كعقاب له
اتت اليه احدي الخادمات......
الخادمه : آسر بيه في واحد بره عايزك
آسر : واحد مين
الخادمه : بيقول ان آسمه مازن الشامي.....
آسر بإستغراب : مازن...
الخادمه : ايوه يا فندم
آسر وهو ينهض من مكانه ويتوجهه الي مكتبه :دخليه المكتب واعملي قهوه و هاتيها
*********
في غرفه المكتب..........
آسر وهو يجلس خلف مكتبه : مازن الشامي بنفسه عندي
مازن : عايز ايه مننا يا آسر
آسر : منكو!!
مازن : دخلت ابويا السجن ليه يا آسر مش كفايه مش سامح لينا نشتغل انت ايه مش عامل حساب لغيرك ليه كل حاجه ليك حتي واحنا صغيرين كنت انت الاول في كل حاجه ودلوقتي جاي تسجن ابويا مالك ومالنا يا آسر
آسر ببرود : وهو ابوك مش يستحق السجن
مازن : بلغت عنه ليه
آسر : عشان انقذ الناس من شره
مازن : هما كانو اشتكو ليك
آسر : مش شرط الناس تشتكي المهم انكو غلط ولازم تتعاقبو لان الي بيغلط بيتعاقب ولا انت شايف ليها حاجه تاتيه
********
الخادمه : روما.. يا روما... يا بنتي
روما : ايوه يا سلمي
سلمي : معلش يا روما دخلي القهوه دي لآسر بيه في المكتب
روما : وانا مالي وبعدين انا اقدر ادخله انتي ناسيه ان هو مش طايقني
سلمي : معلش يا روما بس هدي هانم عايزاني معاها في مشوار
روما : مشوار ايه
سلمي : تقريبا كدا عايزه تروح دار الايتام بس محتاجاني
روما : بس انا الي كنت بروح معاها كل مره
سلمي بضحك : انتي متعاقبه يا روما انتي نسيتي
روما : لا انا ممكن اصور قتيل هنا انا لازم اروح بصي هاتي القهوه هدخلها واخرج اجهز بسرعه وانط في العربيه
سلمي : انا مليش دعوه دخلي القهوه وانا هروح للهانم ومتقولهاش اني عارفه انك هتيجي عشان انا مش عايزه اتعاقب
روما : تمام.....
**************
في المكتب......
مازن : طلع ابويا يا آسر
آسر : وهو انا كنت بدخله عشان اطلعه امرك عجيب يا مازن
سمع صوت طرقات علي الباب.. فسمح للطارق بالدلوف... فدلفت روما الي الداخل وهي تنظر الي الارض...
روما : القهوه يا آسر بيه..
حين استمع مازن الي صوتها رفع نظره اليها عرفها سريعا فهي لم تغب عن باله لحظه ومازال يخطط لايقاع بها... تابعه آسر بعينيه ووجد انه لم يشيع بنظره بعيدا عن روما.. فتمكن الغضب من آسر فهتف بنبره قوه جعلت روما تبتلع ريقها من الخوف وتحاول تفسير هل فعلت شئ خاطئ ام لا
آسر : حطيها عندك واخرجي يلا
تقدمت روما ووضعت القهوه امامهم علي المكتب وما ان تقدمت للباب حتي توقفت علي أثر نداء مازن عليها
مازن : استني يا أنسه روما.. اه روما مش إسمك روما بردو
التفتت روما اليهم ولم تشعر بالراحه بإتجاه مازن نظر آسر الي مازن بإستغراب ممزوج بغضب بينما تحدث مازن بخبث
مازن : مش انتي مع هايدي في الكليه
روما : هايدي!!! اه معاها
مازن : اصلها تعبانه وكانت في المستشفي ووالدها توفي
روما : الف سلامه عليها البقاء لله...... نظره آسر لها كانت تخبرها بالخروج وعدم الحديث الان فإنصاعت له وكادت ان تذهب الا ان مازن تحدث
مازن : مش هتيجي تزوريها......... هنا تدخل آسر
آسر بغضب : اخرجي بره.... خرجت روما علي الفور وعلمت انه لم يمر يومها بسلام
آسر لمازن : حياتك في كفه واي حد من بيت الرفاعي في الكفه التانيه بس روما في الميزان كله وانت هتخرج بره خاف علي حياتك واشتري نفسك... شرفت
مازن : آسر بيه بيساويني بحته خدامه
آسر : تؤتؤ انا قولتلك هي عندي اغلي منك وحياتك ارخص من جرح عندها
مازن : اعرف ان نهايتك علي ايدي يابن الرفاعي
آسر : قريب هتشرف جنب ابوك وياريت تبقي تسلملي علي مدام هايدي... هي مش مدام بردو..
نظر له مازن بغضب ثم غادر من امامه وخرج من الفيلا مسرعا وهو يتوعد لآسر
.....بعد خروج مازن من امام آسر نهض آسر علي الفور وخرج ليبحث عن روما
آسر بصوت عالي : روما... روما... روما انتي فين
كانت روما تستمع لمناداته عليها ولكنها كانت تختبأ
نهي بتعب وهي تجلس بجوارها في المطبخ : انتي عملتي اي تاني انا تعبت مش هقدر علي حاجه تاني
روما : والله ما عملت حاجه بس شكلو ميطمنش
نهي : روما قومي اخرجي ليه عشان انا مش ناقصه
.....اتت اليهم سلمي ......
سلمي : آسر بيه بينادي عليكي يا روما وبيقولك ادخلي ليه
روما بهجوم : انتي السبب.
سلمي : انا السبب في ايه
كادت ان ترد ولكن قطع حديثها دلوف آسر ونظراته لا تبشر بالخير
آسر : مش بنادي عليكي ولا انا كل مره اجيبك من المطبخ
روما بتوتر وهي تداري خوفها : هاا.. اه اه... انا كنت جايه بس واقفه دقايق مع نهي
نهي : نعم
روما بخفوت : اخرسي
آسر : تعالي ورايا
روما : هاا
آسر بنبره لا تحمل النقاش : تعالي..... وتوجهه للخروج فإتبعته روما وهي تلعن نفسها علي شئ هي لا تعرفه......
..........في الصالون........
آسر : تعرفي مازن منين
روما بتوتر : مازن.. مازن مين
آسر بهدوء لايزيدها الاخوفا : مازن الشامي تعرفيه منين
روما : معرفهوش معرفه شخصيه بس اعرف ان هو ابن ممدوح الشامي الي في السجن
آسر : بس هو يعرفك
روما : معرفش والله ممكن يكون هايدي كلمته عليا لانها مبتطقنيش انما انا معرفش
آسر : اول وأخر مره تكلمي اي حد متعرفهوش او اي راجل عمتا
نظرت له روما وكادت ان تتحدث ولكن قاطع حديثها اشاره منه لجعلها تبتلع كلماتها
آسر يكمل حديثه وهو يتلفت حولها في هدوء مريب : انا مش معاقبك ومفيش كلام مع حد غيري انا وماما واهلك
ابتلعت روما ريقها بصعوبه : ما هو.. هو..
آسر : هو ايه
روما : مكانش ينفع مردش
آسر : ليه
روما : يعني يعني.....
آسر : انا اقولك يعني ايه يعني انا كلامي مبيتسمعش يا روما انا مليش لازمه ياروما ومبيتعمليش حساب انتي عارفه مازن دا ايه طيب بلاش دي انتي عارفه يعني ايه تخالفي كلمه آسر الرفاعي وتكسريها وخصوصا انتي يا روما
روما :يا آسر............ قاطعها آسر
آسر : بس كفايه.. شوفيكي رايحه فين
روما : نعم
آسر :روحي شوفي وراكي ايه........ ثم تركها وغادر
روما بإستغراب : هو اي اصله دا.. تعالي روحي.. يزعق شايف نفسه مين .....
اتت اليها هدي.......
هدي : بتكلمي نفسك يا روما
روما : ما هو انا هتجنن بسبب تصرفات إبنك دي
هدي : ليه هو عمل اي تاني
روما : هاا... لا مفيش هو انا ممكن اطلب منك طلب
هدي : اكيد
روما : حيث كدا بقي انا عايزه اجي معاكي دار الايتام.
هدي : لا.. انتي متعاقبه مفيش خروج لمده اسبوع الا للكليه بس ......كادت روما ان تتحدث.... ولو زودتي في الكلام هيبقي مفيش خروج لمده شهر حتي الكليه مش هتروحيها..... ثم تركتها وغادرت
روما : هي العيله دي كلها بتطلع تجري كدا ليه مبيستنوش اتكلم... اوووف بقي.. طيب هعمل اي مع آسر.. بس انا مبحبش الخنقه وعايزه اروح دار الايتام.... ثم ابتسمت بخبث.. ايوه لاقيتها... ومحدش كدا هيعرف اني خرجت هروح معاها وهرجع معاها....
نهي : هو خلاكي تكلمي نفسك.. نظرت لها روما بأبتسامه خبث علي وجهها فتراجعت نهي الي الخلف نهي : لا انا بخاف من الابتسامه ديه انتي ناويه علي مصيبه..
********************
مازن : شكل في حاجه بين آسر والخدامه روما نظرته ليها وتحذيره اني مقربلهاش.... ثم ابتسم.... كدا احلوت قوي وهتبقي هي الضربه الي هتموت آسر شكلها غاليه عليك قوي يا آسر.
هايدي التي كانت تنام بجواره علي السرير : انت بتقول حاجه يا مازن.
مازن : لا يا حببتي نامي انتي بس انتي تعبانه
هايدي : عملت اي مع آسر.
مازن : بيهددني انه هيدخلني السجن انا كمان
هايدي بفزع : ايه!! السجن لا والنبي يا مازن ابعد عنه كفايه لحد كدا اقولك يلا نسافر
مازن : اي يا هايدي اهدي متخافيش كدا هو ميقدرش يعملي حاجه
هايدي : لا يقدر انت ناسي هو مين ولا ايه
مازن : لا مش ناسي وبعدين هنسافر متقلقيش بس في مصلحه الاول
هايدي : بجد هنسافر
مازن وهو يقترب منها : ايوه هنسافر.. تعالي بقي عاوزك في كلمه...
*****************************
هبه : حازم هنعمل ايه
حازم : مش هنعمل حاجه صابر الدمنهوري هينزل مصر
هبه : بس دا خطر عليه
حازم : لا مش هيبقي خطر لان انا هدخله البلد من غير ما حد يحس
هبه : خايفه عليك احنا مالنا ومال الناس دي
حازم : دلوقتي هنقول مالنا احنا دخلنا في وسطهم عشان هنجيب حقنا وحق اخويا وحق كل الناس الغلابه الي بتموت كل يوم بسبب الناس ديه احنا دخلنا وسطهم ومش هينفع نطلع الا لو حصل حاجه من اتنين
هبه : ايه هي
حازم : انا اموت او هما يموتو
قاطعه صوت هاتفه...
حازم : الو... ايوه يا باشا...... جهزت كل حاجه........ قريب قوي هتكون هنا...... تمام يا صابر بيه... ...ثم اغلق الهاتف
هبه : عايز منك ايه.
حازم : عايزني اخلص موضوع رجوعه علي مصر... هو انتي كلمتي هايدي
هبه : لا من ساعه وفاه ابوها وانا مبكلمهاش
حازم : غلط.. قربي منها يا ماما واعرفي كل تحركات مازن وخصوصا الي ليها علاقه بالقضيه
هبه : انا مبقتش طيقاها ولا طايقه اقرب منها ولا اصاحبها.
حازم : مش وقته ياختي انا مش بقولك حبيها ارجعي تاني صاحبيها عشان نخلص من الحوار دا بسرعه
هبه : حاضر.
******************************
هدي : السلام عليكم..
مديره الدار : وعليكم السلام اتفضلي يا هانم
هدي : شكرا ليكي... الاولاد عاملين ايه
المديره : بخير الحمد لله واحتياجاتهم كلها بتتوفر ليهم كله ماشي زي ما حضرتك أمرتي.
هدي : طيب الحمد لله.. انا هقوم اقعد في وسطهم شويه
...................
روما في السياره... طيب اخرج دلوقتي ولا لا وبعدين سلمي الجزمه دي سابتني ومشيت لما اشوفها.. اي دا انا نسيت نهي
روما :نهي يا نهي
نهي بنوم : اي يابنتي سيبيني بقي عايزه انام مش كفايه ممرمتاني معاكي
روما :اصحي يا بنتي وصلنا
نهي : طيب سيبيني انام بقي
كادت روما ان تتحدث حين استمعت الي صوت اطلاق الرصاص من حولها فنظرت الي نهي التي نهضت واعتدلت في جلستها نظرو الي بعض ثم........