رواية وش تالت الفصل الخامس5 والسادس6 بقلم اسماعيل موسي
كان مدحت يهبط الدرجات بسرعة، أنفاسه متلاحقة وعقله مشوش.
لم يكن يعرف ما الذي يجب عليه تصديقه، لكن شيئًا واحدًا كان واضحًا: هناك شيء خطير يدور من حوله، وهو آخر من يعلم.
خلفه، سمع خطوات أسامة السريعة تلحق به.
"مدحت، استنى!"
لكنه لم يتوقف، خرج من البناية إلى الشارع المظلم، نظر بسرعة في الاتجاه الذي أشار إليه أسامة من نافذة الشقة، فوجد رجلاً يقف بجانب سيارة سوداء، يضع يديه في جيوبه، وينظر إلى المبنى بنظرة متفحصة، بدا كواحد من أولئك الذين لا يريدون لفت الانتباه، لكن مجرد وجوده كان مريبًا.
مدحت شعر بقشعريرة تزحف على جسده، لكنه لم يكن يعرف هل السبب هو الخوف أم الغضب. التفت إلى أسامة وقال بصوت منخفض لكنه حازم:
"أنا مش هفضل مستني لحد ما ييجوا ياخدوني في نص الليل، لازم أواجه كريم بنفسي."
تحية للذين اكتشفو ان الدنيا مجرد رتوش..
هو فين كريم يا عم مدحت؟ كريم تلاقيه مختفى او مرمى فى اى حتة خرابه ومش هيظهر غير لما الناس دول يوقفو بحث عنه او وتردد اسامه قبل أن يقول يقضو عليك انت ومراتك.
استدار مدحت تجاه اسامه عايزنى اعمل ايه يعنى؟ اقعد كده مكسور الايد
لا___ همس اسامه وهو يشير تجاه الرجل المريب
احنا نمسكه ونقررة ونعرف مين الى مشغله
انت ملكش دخل فى الموضوع ده يا اسامه كفايه لحد كده ان هعرف احمى بيتى ازاى، امشى انت وانا هتصرف
انت اتجننت يا مدحت لا يمكن اسيبك لوحدك لازم اكون معاك
انت صاحب عمرى يا جدع، همس مدحت طيب يلا بينا
انطلق مدحت واسامه يسيران بطريقه طبيعيه من خلف الرجل يتسحبان كلصين غبيين، وضع مدحت يده فوق فم الرجل من خلف ظهره وشل حركته بينما ضربه اسامه فوق رأسه ضربه افقدته الوعى قبل أن ينقلوة لقبو المنزل
بعد أن قيدوه صفع مدحت وجه الرجل، فوق يا حيلتها
فتح الرجل عيون مرتعبه
انتو مين وعايزين ايه؟
هتستهبل ياد صرخ اسامه، انطق اعترف انت كنت بتراقب بيت مدحت ليه؟
مدحت مين؟
مدحت انا يا حلو ولكزه مدحت فى صدره
اخلص وقول انت تبع مين، ومين باعتك تراقب بيتى
انا معرفش حضرتك بتتكلم عن ايه
همس اسامه فى اذن مدحت، مش معقول مجرم زيه يعترف بسهوله سبنى اتصرف معاه
استنى انت يا اسامه شويه، متتعبنيش مش عايز اقتلك قولى انت كنت بتعمل ايه برا بيتى
والله يا استاذ مش عارف حضرتك تقصد ايه، انا كنت منتظر صديقى محمود كان بيعمل حاجه فى البيت وهنروح مشوار
شعر مدحت ان الرجل يقول الحقيقه
محمود مين
فتح الرجل فمه ليقول شيء لكن اسامه باغته بضربة قويه شجت آنفه
انطق يا روح ام... ك لو كنت مجرم احنا كمان مجرمين قوى
ثم اخرج من جيبه طبنجه وصوبها على رأس الرجل
حاسب يا اسامه هتعمل ايه؟ صرخ مدحت بفزع
همعل الصح يا مدحت دا كلب ومحدش هيسأل عليه
بحركه فجأيه اختطف الرجل الطبنجه من يد اسامه وصوبها تجاه صدره وأطلق عدت رصاصات اسقطت اسامه أرضا
ثم صرخ فى مدحت فكنى قبل ما اقتلك
نفذ مدحت الأمر وبعد أن نهض الرجل ضرب مدحت على مؤخرة رأسه اسقطه على أرض القبو
فقد مدحت وعيه وبعد وقت غير محدد فتح عينيه، لم يجد اسامه ولم يجد الرجل
كانت هناك بقع دم متناثره على الأرض لكن مدحت لم يبالى غادر القبو راكضا نحو شقته
فتح الباب وأغلقه خلفه وجسده يرتعش ، فيه ايه صرخت مروه برعب
لم يرد مدحت فتح الشرفه وراقب الشارع ثم اغلقها
وبعد دقيقه فتح الشرفه مره اخرى قبل أن يغلقه
ثم انهار على الاريكه برعب، اسامه مات، قتلته العصابه
صرخت مروه، يا مرى مات ازتى وفين؟
فى القبو بتاع البيت الراجل اطلق عليه الرصاص قدام عينى أكثر من مره
وهو، وهو لسه فى القبو؟ همست مروه بخوف
قال مدحت لما فقت جثته كانت مختفيه، لكن الدم لسه مكانه زى ما هوى
يا دى المصيبه يا ربى، طيب هنعمل ايه؟ هيتهموك بقتله
اسكتى يا مره بقلك مفيش جثه !!
لكن فيه دم، زمان البوليس جاى ناحيتنا دلوقتى لازم نتصرف
نتصرف نعمل ايه؟ صرخ مدحت بقلة حيله
نمسح الدم يا مدحت، طالما الجثه اختفت لازم نمسح الدم
حمل مدحت دلو الماء والصابون وسارت مروه خلفه ببطيء
فتح باب القبو بتردد قبل أن يشعل الأضأه التى كانت انطفأت
هنا، الدم هنا
بصت مروه ملقتش حاجه، فين الدم يا مدحت؟
لان هنا، صرخ مدحت وهو بيلف ويدور
كان هنا تحتى، اسامه وقع هنا والدم
الدم كان هنا وهنا
فتشت مروه القبو بتركيز ولم تجد ولا بقعة دم
اتكأت على الجدار تسترد أنفاسها، مفيش دم
همس اسامه بقلق، يبقى العصابه رجعت تانى واخفت آثار جريمتها
دخلو القبو ومسحو الدم، لكن الغريب ان الراجل مقتلنيش انا
كان ممكن يقتلنى ليه قتل اسامه؟
متجيش سيرة اسامه على لسانك خالص دلوقتى
ولو الشرطه استدعتك قول مشفتوش وانا كمان هنكر
احنا مشفناش اسامه من تلت اربع ايام واحنا كده كده بيتنا بعيد والرجل عليه قليله ومحدش شافه عندنا
الفصل السادس
هل تعرف ما يعنى أسمك اليوم؟
ما يعنى وجودك حتى غروب الشمس؟
مر يوم لم تظهر فيه الشرطه ولا خبر عن موت اسامه او حتى اختفائه
كريم اخ مروه لم يظهر، ومدحت لم يغادر بيته، والعصابه التى كانت تراقب البيت اختفت
فى الليله الثانيه خرج مدحت الى المقهى يتقصى، يمكن يسمع كلمه كده ولا كده عن موت اعز صحابه
لكن المقهى كان كعادته هادئه لا يسمع فيها سوى صوت قرقرة الشيشه، صوت خبط الضمنه على خشب الطاوله
شيش، بيش
لم يكن مدحت فى مزاج يسمح لده بالجلوس والتسامر
جسده ملتهب وعقله لا يرحمه
يا بهجت مشفتش اسامه النهرده؟
صرخ مدحت وهو يلقى بلى الشيشه على الطاوله
لا مشفتش يا استاذ مدحت
تنهد مدحت، هذه الحركه كان يخطط لها منذ اول امس
عندما يعلن انه يبحث عن اسامه ليضع الشبهات بعيد عنه
كان يعرف الاجابه مسبقا
وفور ان غادر المقهى ووضع قدمه على الطريق سمع صوت خلف عبد الموجود
يا استاذ مدحت انا سمعتك بتسأل عن أسامه؟
سقط قلب مدحت عند قدميه
هل وجد احد جثته؟
اكتشف احد انه كان عنده فى المنزل او القبو؟
أسامه كان واخد نقلة خضار وساحب بيها على المنيا
نقلة خضار؟
امتى ده
امبارح يا استاذ مدحت قبل العصر
تردد مدحت، لكن كان عليه ان يتأكد، انت شفته بعينك يا خلف؟
ايوه يا استاذ مدحت هو جرى ايه؟
بسرعه همس مدحت مفيش، اصل بحاول اتصل بيه من امبارح تليفونه مغلق
ازاى يا جدع دا انا لسه مكلمه من شويه وقال انه فى طريقه لهنا
أسامه؟
سيارة خضار
ابتعد مدحت عن خلف وأخرج هاتفه بتردد وطلب رقم اسامه
بعد شويه وصله صوت اسامه لكنه كان بيقطع
اسامه؟
ايوه يا مدحت فيه ايه؟
انت اسامه؟
خبريه يا مدحت مالك؟
حاول مدحت ان يبدو هاديء ان يستشعر من نبرة اسامه اى لغز او سر
ربما تكون ااعصابه معه تراقبه وتجبره على قول هذا الكلام
انت كويس يا اسامه؟
ايوه كويس يا مدحت انا فى الطريق ولما اوصل هجيلك البيت
لا، همس مدحت هنتقابل فى القهوه
أغلق مدحت هاتفه، وركض تجاه المنزل، مروه أسامه حى
حى؟ انت لقيته فى مستشفى ولا حاجه
أسامه سايق العربيه بتاعة الخضار
سايق العربيه أزاى وهو مضروب بالرصاص؟
معرفش يا مروه معرفش، انا شفته ميت قدامى ودمه سايح
انت متأكد انه اسامه؟
انا مش هتوه عن صوت اسامه يا مروه، كلمته وكان واضح انه كويس جدا
بتفكرى فى ايه يا مروه؟
بفكر ان عقلك خلق كل ده، وأن اسامه مات والى كان بيكلمك حد غيره
انتى اتجننتى يا وليه؟ بقلك هو اسامه وكمان شويه هقابله فى القهوه