رواية حكايه لم تنتهى بعد الفصل الخامس5 والسادس6 بقلم هبه احمد
مها / كنت مستعجله و انا خارجة وبكت
عمار / عند مكتبه همام فى مذاكرات هاجيبهملك و على حسابى
كريمة / تعالوا ياولاد فى الاوضة بتاعتنا هاروح احلب البهائم مين هياجى معايا
عمار / انا معاكى ليه بتزعلى اختك
كريمة / قوللها فكك من التعليم وتتزوج مرتضى صاحب حنفى دراجل عنده شقته كامله من كله مش ناقصها حاجة يعنى هى شنطة هدومها وبس
عمار / انتى اللى خرجت من التعليم بمزاجك رغم معارضة امك و ابوكى على خروجك من المدرسة علشان الباشا حنفى
كريمة / انا كنت فاشلة فى المدرسة اصلا
مها / انا بحب الدراسة و نفسى ادخل كليه الطب
كريمة / طب اتزوجى بعد امتحان تالته ثانوى و تكملى عند مرتضى
مها / هو فى راجل هيرضى أن مرأته تفضل طالعة داخل رائحة فين للكليه جايه منين من الكليه و لمدة سبع سنين
صابر / ادخلى معهد فنى صحي زى حنفى زوج اختك و هتتزوجى مرتضى كاتب الصحة هههههه و هتندفنى بالحياه بأمر الله
كريمة / انا متزوجة من 17 سنه و معايا 9 عيال و زى الفل
عمار / بصى لبناتك الكبار شكلهم عامل ازاي دول حيلهم اتهد اللى يشوفهم يعطيهم فوق عمرهم سنين
كريمة / الحق عليه انى عوزاهم يبقوا ستات بيوت الواحدة فيهم لما تتزوج تقدر تشيل المسؤلية
عمار / حرام عليكى انتى حرامتيهم من التعليم و كمان حرامتيهم من أنهم يعيشوا طفولتهم بناتك بقوا من جواهم عجزه منك لله
كريمة / بناتى زى الفل بس انت و اختك ابعدوا عنهم بلاش تسمموا أفكارهم
عمار / متخفيش انا مش بتكلم معاهم و اختك داخله تالته ثانوى مش فاضية
كريمة / بمناسبة تالته ثانوى اختك هتقعد لوحدها فى المركز
عمار / عادى مهى هتدخل الكليه وهتقعد لواحدها فى مكان بعيد حسب مكان الكلية
كريمة / ساعتها هتكون فى مكان بعيد عن هنا مش الناس هنشوفها على طول فى المركز هيتكلموا عليها
عمار انا هاكون معاها على طول هااشوف اى معمل اشتغل فيه علشان اكون معاها اقتراحات حنفى خلصت ولا لسه قولى لزوجك ميشغلش دماغه بينا احنا نقدر وتعرف تعيش من غير تدخله انا مش عاوز احرجه
مها / بابا جه و الاكل جاهز
كريمة / هو غلطان اللى خايف على اختك مهو واحد من العيلة انت ناسى أنه ابن عمك
عمار / لا فاكر بس ده ميعطهوش الحق يقرر و يبعتك تتكلمى اختك طول ما هى ماشية فى التعليم انا هتكون معاها فى اى مكان
كريمة / ماشى انا الحق عليه انا و زوجى انى خايفة عليها
رقية ( بنت كريمة و حنفى الكبيرة 15 سنه ) جدى بيقول تعالوا الاكل على الطبلية
عمار / جاين ياقمر
كريمة / اكلى اخواتك و شطفبهم و نيميهم و بعدين ابقى كلى
رقية / حاضر
عمار / انتى اللى ملزمه تاكلى وتشطفى ولادك مش هى
كريمة / أنا معدش فيه حيل خلاص تعبت من الحمل والخلف و الرضاعه
عمار / احمدى ربنا على كده وشوفى وسيله لمنع الحمل
كريمة / معدش ينفع انا حامل فى توأم
عمار / ربنا معاكى و سابها ودخل المندرة السلام عليكم
الحاج جعفر / وعليكم السلام ابقى كلم صقر كان قلقان عليك
عمار / حاضر هابقى اكلمه
مها / السلام عليكم و وطت باست ايد ابوها
الحاج جعفر/ عاملة أية فى الدراسة
مها / الحمد لله ماشى الحال
عمار / عوزين نشوف سكن لمها علشان الدوري بدأت
كريمة / انا معترضة أن اختك تقعد لوحدها فى المركز
الحاج جعفر / طب قولى السلام عليكم الأول
كريمة / السلام عليكم اسفة
الحاج جعفر / اختك ما شاء الله متفوقة و ليها هدف أنها تدخل كليه الطب المفروض كلنا نقف جنبها و ندعمها
كريمة / انا م......
رواية/حكاية لم تنتهى بعد
الفصل ( 6 )
...................
الحاج جعفر / اختك ماشاء الله متفوقة و ليها هدف أنها تدخل كليه الطب
كريمة / انا مكنتش اقصد حاجة انا مش عوزة حد يتكلم على اختى
الحاج جعفر / انتى خيبتى بناتك وخليتيهم منكسرين انتى تخلفى و هم بيربوا زى ما يكونوا شغالين فى مزرعة مواشي بزمتك انتى مش حاسة بالذنب لما تشوفى كل بنات البلد بتروح المدرسة الا بناتك
كريمة / احنا لينا ظروف و بعدين البنت مهما اتعلمت هتتزوج و هتقعد فى البيت
رقية / يامه اخوية عوز لبن علشان نعمله الرضعة
كريمة / روحى عند اخواتك انا جايه
الحاج جعفر / شوفى منظر بنتك و قارنى بينها وبين بنت عمران الكلاف (بيرعى المواشى بالأجر ) هم مولدين فى نفس الشهر بنت عمران ماشاء الله حافظه القرآن الكريم و متفوقة طالعت الاولى على المدرسة من تلات سنين وبنتك بتقولك يامه
مها / بلاش تزعلها يابابا هى كده ومش هتتغير
الحاج جعفر / اختك مغيبه مفيش وراها غير الخلف و الفرجه على التليفزيون و لا ماسكة التليفون
عمار / هاروح اجيب امى حد عاوز حاجة
مها / المذكرات بابا اسفة عوزة 100 جنية
الحاج جعفر / اسفة ليه طلباتك اوامر أعطى بطاقتك لاخوكى يفتحلك حساب و يطلعلك فيزا كارد تبقى معاكى علشان الدروس
مها / باست ايد ابوها منحرمش منك ياقلبي هاروح اذاكر
صابر / خليك انا هاخد العربية واروح اجيب امى
الحاج جعفر / خدى دول علشان بكرة
مها / عمار خد هات المذكرات كمل علي الفلوس
عمار / بكرة الا انا فصلت عوزة انام طلما صابر هو اللى راح يجيب امى
مها / كان يوم طويل و غريب كرملة عوزة حاجة
كريمة / سلامتك بقولك خدى عيلين يناموا معاكى
مها / و مالوا ياقلبي هاتى رقية و شريفة و لا اللى تقولى عليهم
كريمة / رقية لا خدى شريفة ومسعد
مها / تعالوا يا ولاد
كريمة / منحرمش منك
مها سكنت مع عمار فى شقة فى المركز علشان الدورس شقة فى منزل ملازم لبيت ماجى
ماجى / فى البلكونه انزلى علشان هنمشى للسنتر
مها / حاضر نازلة
ماجى / انا ماشية ياماما عوزة حاجة من تحت
ام عماد / هاتى كيلو سمك مشوي من عند عمك ابراهيم انا هاكلمه هو هيجهزه تفوتى تجيبه
ماجى / خليه يشوى نص كيلو لمها و عمار يتغدوا بيه
ام عماد / حاضر خدى الفلوس و فلوس الدرس كمان عوزة مجموع
ماجى / حاضر خلى بالك هابقى اذاكر مع مها عندها عمار بيروح الشغل الساعه سابعة بيرجع بعد نص الليل
ام عماد / عمار بنى ادم محترم ابقى باتى معاها كمان المهم النجاح
ماجى / ربنا يعزك يا ماما
مها / نزلت و وقفت فى بير السلم بتاع بيت ماجى ( البيت فيه ماجى و امها و أختين واحدة اكبر منها ارمله و الأصغر من ماجى مخطوبة و اخين متزوجين كل واحد فى دور و الدور الارضى مفتوح ورشة لتصليح السيارات اخواتها بتشتغلوا فيها )
ماجى / اسفة اتأخرت عليكى
مها / هناء كانت معدية من الشارع و معاها شاب شكله اعوز بالله
ماجى / احنا نشكر الرب أننا بعدنا و فى الوقت المناسب امشى ماما كلمت عمى ابراهيم يشوى ليكى نص سمك
مها / خليه كيلو الا ربع
ماجى / اقولك هافوت عليه و اقوله عوزين كيلو و كيلو
مها / بشرط يكون بنتاعى كبير مش بحب الصغير خدى الفلوس
ماجى / مش لما نعرف تمنه كام الاول
عمار / صقر عاوز منك طلب
صقر / الطلب بكوبية شاى و سندوتش كبده
عمار / مكنش ينعز مفيش غير كبده هوهو
صقر / ربنا يسد نفسك ماشيها شاى وبس
عمار / انا لو حققت اللى فى دماغى ليك عندى عشوه حمام و بط
صقر / تحت امرك من غير حاجه بس اخلص
عمار / عاوز بنت تكون حركه تعرف تسرق تليفون واحدة عاملة مشكله مع مها
صقر / عاملة أيه وانا مستعد ابيتها فى الحجز و أخرجها متعلمه الادب و مش بعيد تروح تبوس رجل مها پس اعرف فى ايه
عمار / انت اخويه و صاحبى هاقولك و حكى له اللى حصل من هناء مع مها
صقر / دى بنت مش كويس هى لسه بتتعامل مع مها
عمار / لا اختى بعدت عنها هى و البنات اللى معاها
صقر / انا شايف أن المشكلة خلصت على كدة
عمار / هى بت......
يتبع