رواية ساكن الروح الفصل الاول1والثاني2 بقلم مياده يوسف كامل
فى ليالى الصيف فى إحدى المنازل بريف مصر سنه١٩٩٦
لولوووووووى سقفوا ياولاد زغرطي ياختى منك ليها تعالى ياسلمى اتحزمى وارقصى دة فرح اختك الكبيرة.
سلمى : لاء يامرات عمى ارجص ايه ابوى يجتلنى؟! لاء يووه، اوعى كدة.
غنيمه : شوف البت تجول ايه والله طيب!؟بكرة تبجى مرات ابنى واحط رجلى فوج رجبتك ماشى، يابت سميرة، امك مدلعكى تمام حلو جوى كدة🤔🤔
سميرة : فيه ايه ياسلمى مالك يابتى ؟ داخله بتجرى ليه كدة؟ ووشكى محمر ليه ؟ جولى يانضرى، ايه صابك؟
سلمى : مافيش ياما ، مرت عمى غنيمه بتشدنى ارجص ، كسفتنى جدام الناس، انى مش راجعه الحنه تانى خلاص!!!!
سميرة : ههههه😃يوة جاتك ايه ياسلمى، خضتنى يابت ، مرات عمك عايزكى تفرحي مع اخواتك، ومافيهاش حاجه، كنتى افرحى مع بنات عمك، مش كلكم هناك بنات وحريم بس؟
سلمى : لاء الولاد مستخبين يطلعوا على البنات والحريم وهما بيرجصوا، حاجه جلت ادب خالص!!!
سميرة : لاء ولاجلت ادب ولا حاجه كنتى افرحى، ومتاخفيش انا عارفه خايفه من اخوكى جمال صح؟
سلمى : اتكسفت ياما والولاد بيبوصوا علينا، واة جمال اخوى منبه عليا وموعينى ، اومال فين اختى سحر نامت تانى!؟
سميرة : اة والله مش عارفه ايه حكايه النوم دى، سبيها نايمه ،طول اليوم لعب وجرى وطنتيط خليها ايه رأيك فيا بجى حلوة؟
سلمى : دانتى أجمل من العروسه نفسها، الله اكبر عليكى، واكله الجو.
سميرة : يعنى ابوكى لو شافني هعجبوا، ويجى يبات معنا النهاردة!!!؟
سلمى : ههههه مش بعيد يجولك طالب الجرب ياجميل😉😉
سميرة : ☺️☺️ طب تعالى انا رايحه الحنه، تعالى معى ، هتسبينى لوحدى؟
سلمى : انا هصلى العشا، واجرا الورد بتاعى من القرأن، وهاروح انام جنب سحر، بالسلامه انتى.
####فى بيت الحاج حسين فى الحنه.
غنيمه : مابدرى ياست سميرة ،ايه ياختى على رجلك نجش الحنه؟من وقت لما مشيتى العصر وانتى اختفيتى، وايه ياختى دة عروسه ولا ايه ،الحلوة دى ؟اه عايزة تغيظى ضرتك امينه صح؟!!
سميرة : لاء ياحبيبتى دة الطبيعى عندى واجل حاجه كمان، الف مبروك ويتمم على خير ، طبلى ياحلوه منك ليها، الف مبروك ياعروسه ، حزمينى .
واحدة من الحريم : شوفت ،عايزة تغيظك، عامله فى نفسها ايه؟ مفكرة نفسها العروسه ولا ايه؟! بقلم ميادة يوسف
امينه : وتغيظنى ليه ،هى كانت جايه لسبب وخلاص انا الاصل،والأرض.
واحدة تانيه : اه وهى العيال والمصنع، وسعى كدة ماارجص معك ياسميرة، ضرتك مولعه، وهطج، زغرطوا يانسوان لولولوووووي
امينه : 😏😏 اتغاظت، والغيرة كلت قلبها،والستات بتهيص وتغنى، وسميرة بترقص قامت زقتها وقعتها وسط الحريم 😯😯
_عند سلمى
كانت صلت وقرأت الورد بتاعها قامت وقفت قدام المرايه ، وخلعت الحجاب، وفردت شعرها ، سلمى جمالها ماشاءالله بيضا ،وعيونها عسلى، ورموشها طويله، وشعرها بنى واصل لآخر ضهرها.
___ شغلت الكاسيت على شريط اغانى ، وتحزمت ورقصت، وهى مندمجه فى الرقص سمعت حد بينادي عليها؟
ابراهيم : بت ياسلمى انتى يابت، ردى ردت الميه فى زورق!!!
سلمى : يالهووووى ابراهيم!والنعمه لجول لابوى واجول لجمال اخويا، انتى بتبص عليا من الشباك ، باجليل الحيا، انزل من على الشجرة، طيب وديني لوريك!!!
ابراهيم : ارمى يابت العصايا دى ، اوعى تنسى انا هبقى جوزك، وبكرة يتجفل علينا باب واحد ، وابن عمك، اوعى يابه كدة ،هجع بابت ،ياااابت
آآآآآآه؟
سلمى : احسن تستاهل، يارب تكون انكسرت، جال جواز جال ، غور.
____ فى صوان الرجال
عربى : ياحاج شاهين .
الحاج شاهين : خير ياعربى، فيه ايه ،مالك؟ خد نفسك؟!
عربى : الست امينه وقعت الست سميرة وسط الحريم ، وشتمتها جدامهم!!!
شاهين : بتجول ايه ؟ وهى فين دلوجتى؟
عربى : مراتى سندتها ووداتها الدار بتاعتها.
شاهين : طب ياامينه، مش عايزة تلايمها يابنت ذكى حاضر!!!
____عند سميرة
سلمى ياسلمى
سلمى : اما جيتى بدرى يعنى؟ مالك فيه ايه؟
سميرة : ولا حاجه ياحبيبتى، غيرة حريم، بس انا فرحانه ،ماتاخديش فى بالك ،روحى سخنى حبيه مايه هاخد دوش ، بس انا سمعت صوت هبده ايه ده؟
سلمى : ابراهيم جه وووووو
سميرة : جدعه يابت وانا لى تصرف تانى.
سلمى : والنبى ياما انا مش عايزة ابراهيم، مابحبوش، وعايزة اكمل علام،ادخل الجامعه، ينفع والله بعد الدبلوم، كفايه حكموا عليا ماادخلش ثانوى، الاستاذ محمد بيجول ممكن ادخل جامعه مفتوحه، الجواز مش وقته ومش ابراهيم والنبى ،كلمى ابوى، بيحبك وهيسمع كلامك!!؟
سميرة : عايزة تدخلى الجامعه؟ ياحبيبتى🤔🤔طب سبيها لما نتيجتك تظهر، سحر لسه نايمه؟
سلمى : اة
سميرة : طب روحى سخنى مايه، وانا طالعه فوج، صوت عربيه ابوكى، انا طالعه فوج ،روحى انتى.
_شاهين دخل على سميرة لاقها قاعدة على الكنبه .
شاهين : سميرة مالك جاعدة كدة ليه؟ ايه حصل؟الود عربى بيجول كلام كدة خير ايه جرا؟ بقلم ميادةيوسف
سميرة : اوعى كدة توك ماافتكرت ، اه ماانا الحيطه المايله، وهى الست ،ومرتك الأولى، الجديمه تحلى، صح؟!!
شاهين : بردك دانى اول ماسمعت جيتك طوالي اهو ياقمر انتى ، دانتى جلبى يابت.
سميرة : ماانا لو كنت غاليه ماكنتش سبتنى يومين بحالهم، كدة وتاخد منى جنب، وتروح تبات هناك.
___وهى لها حق تزجنى وتوقعنى جدام الناس،وانا ماعملت ليها حاجه واسأل الكل.
شاهين : راح لها ومسك ايدها .
سميرة : شدت ايدها وبعدت عنه!
شاهين : اتغاظ منها ،انتى بتزجى ايدى،وتبعدينى يابنت الرفدى؟وراح لاف ايدها ورا ضهرها، اتهبلتى انا شاهين ولا نسيتى؟
سميرة : لاء مانستش ياسيد المعلمين ،الظاهر انت اللى نسيتنى، وبجالك يومين رامينى انا والعيال!!
شاهين : وهو لاوى دراعها ومقربها من حضنه، عيونك تخبل يابت ، وشافيفك واحشينى، وميل علشان يبوسها.
سميرة : قدرت تبعد عنه، وتفلت، روح ياحبيبى برة الاوضه يالا جاى تضربني وتلوى دراعى ياشاهين، انت ومراتك عليا الليله ، طب اتفضل روح لها وفتحت باب الاوضه.
شاهين : بتطردينى من اوضتى ياسميرة؟ وده من جلبك ولا من هبلك؟!
وراح وسد الباب بالجامد ، سميرة خافت وجرت الناحيه التانيه، وهى بتجرى رفعت العبايه السمرا اللى لابسها وبان العبايه الحمرا اللى تحتها، شاهين طار عقله منها😍😍
شاهين : انتى قلعتي عبايتك السمرا هناك؟
سميرة : اومال هرجص بيها؟
شاهين : ترجصى😲😲 انتى كمان رجصتى؟ والنسوان شافوا جسمك بالاحمر دة؟ وامينه شافتك وزجتك وقعتك بس ههههههه؟
سميرة : اومال عايزه تقتلتنى يعنى؟
شاهين : ههههه لاء زمانهم طلبوا لها المطافي ههههه وراح قفل الباب بالمفتاح، وراح ناحيه سميرة ،وخلع العمه بتاعته.
سميرة : فيه ايه ياشاهين ،مالك؟ شاهين : ولا حاجه ياجلب شاهين انتهى وجت الكلام وجه وجت العمل وشغل الموسيقى 🎶 ولف العمه على وسطها هما الحريم اللى فى الحنه احلى منى إياك، طب حتى الأقربون أولى بالشفعه، ياام وسط ملبن انتى تعالى.......
وبعد وقت_
سميرة نايمه فى حضن شاهين
سميرة : انا مش عارفه ايه بيخلنى أضعف معك كدة؟ انا واخدة على نفسى وعد انى ماحنش ليك!!
شاهين : بسخريه ههه وراح فين ضاع منك؟
سميرة : خبطته على صدره ، انا غلطانه ،اوعى كدة.
وجت تقوم شاهين شدها عل صدره وضمها له.
شاهين : ياهبله انتى اللى ساكنه الروح وجوة قلبى، طب دانا اول يوم شفتك فى مصنع الطوب عند ابوكى الله يرحمه ، وانا قولت دى بتعتى ومن نصيبى ، جال وانا كنت رايح اخطبك لابن عمى اللى مسافر الكويت جال، شوفتك برج عقلى طار😇😇 مش موضوع خلفة ولاعيال، انا حبيتك من اول نظرة يابت ، وقعت فيكى، ولعلمك انا كنت مبيت فى المصنع مش عند امينه ،بس لو حصل وصوتك عليتى صوتك عليا تانى انا هجتع لسانك فاهمه، يكون يحصل ياام جمال
الباب بيخبط
شاهين : مين؟
سلمى : انا يابا المايه سخنت ياما وجطعت نفسها من الولعه !! بقلم ميادةيوسف
سميرة : زوديها ابوكى هيجوم يتسبح الأول، وحمرى الحمام يا حبيبت جلبى.
شاهين : وعامله حمام كمان، لاء دانتى كنتى واخده وعد جامد جوى ههههههه
___على السفرة
شاهين ماشاء الله ايه كل دة ؟ ايه لازمتها السفرة مالها الطبليه؟
سلمى : التطوير مطلوب يابابا.
شاهين : وحلوه بابا دى كمان جت مع السفرة😁😁😁
سميرة : ياسلام عليك فى التريجه استاذ كبير.
شاهين : فين جمال نادى عليه ياسلمى ياكل معنا لقمه.
سلمى : جه من شويه هو وصاحبه وانا عملت لهم اكل، وراحوا تانى يقفوا مع( عيد) العريس
شاهين : غاوى يدخل طب، ويبقى دكتور ،ربنا يجويه
___تسلم ايدك ياسلمى اكلك حلو، يابخت اللى هيتجوزك جمال وحلاوه وعقل، ولسان حلو طالعه لأمك فى كل حاجه.
سميرة : بقولك ايه ياحاج شاهين
كنت عايزة اطلب منك طلب كدة، وخايفه تكسفينى، بس براحه كدة بعد الوكل .
شاهين : انتى اتأمر ياجمر، ومتاخفيش الاكل مالوش علاقه بالكلام.
سميرة : واحنا بنشرب القهوة فى الفراندا.
شاهين : مال عليها يهمس فى ودانه، يبقى ناويه على سهرة صباحى بقى ؟ حالفة لى ، طب والوعد راح فين هههههه
سميرة : خبطته فى دراعه ،وحياتك حتى مطلع الفجر هههههه
سلمى : احم احم قال رسول الله صلى الله عليه وسلم لا يتناجى اثنين دون ثالث انا هنا!!!
شاهين : اللهم صلى عليك يانبى، مش بجول اكفى الجدرة على فوقها تطلع البت لأمها.
شاهين : اعملى قهوة ياسلمى ، تسلم ايدك يابنتى الاكل حلو قوى، خسارة فيك ياابراهيم ، بس اعمل ايه العوايد بجى.
سميرة : شاهين سيد المعلمين.
شاهين : تعالى ياجلب شاهين ،خير فيه ايه ؟ جولى.
سميرة : الصراحه كدة الموضوع بخصوص سلمى والنبى ماتكسفنى؟!!
اصل سلمى عايزززززه....
مياده يوسف كامل عبد الحميد الذغندى:
الفصل الثاني
رواية ///ساكن الروح
بقلم ///ميادةيوسف
شاهين : بتجولى ايه ياسميرة؟
سميرة : بجول سلمى ماعيزاش تتجوز ،ابراهيم ابن عمها، بتجول مش بتحبه، وعايزة تكمل علامها تدخل الجامعه، ماهى ممكن تدخل كليه بعد الدبلون عادى ياسيد المعلمين.
شاهين : انتى عارفه معنى كلامك ، يعنى لو رفضت ابن اخوى، هتبقى مشكله، وخصام بينا؟!!
بس انى ،ياسميرة برضوا مش عايز ابراهيم لبنتى، والله شايفها فى حته تانيه، وشايف جوزها كدة واحد شخصيه ،ببدله ،وكرافته، حاجه تشرف،بس مش عارف هتيجى اذاى؟!!
اجولك سبيها على الله ، ولما تظهر النتيجه بتاعتها يحلها الحلال.
سميرة : مش بجول سيد المعلمين والنبى، رجلك ابوسها، حبيبى وسيدى وتاج راسى.
شاهين : لاء احنا نطلع فوج نكمل الكلام بعد الكلام والوكل الحلو دة، يالا ياجمر تعالى.
_جرس التليفون بيرن
شاهين : الو ايوة
امينه : ايه ياشاهين ناسى الليله ليلتى ولا ايه؟ عايز تنام عندك كمان النهاردة؟! بجالك اسبوعين ماجتش، واحشتنى جوى ،
شاهين : بكرة بإذن الله، ان اراد المولى سلام.
سميرة : مين ياحاج خير؟ فيه حاجه؟
شاهين : ابدا امينه بتطمن عليا.
سميرة : اه بتطمن ومالو، مايضرش برضوا، ليها حق عندك، وانت من حقك تنام فى الجنب اللى يريحك، وتختاروا؟
شاهين ماانا اختارات خلاص ،بس لسه ماستريحتش ولا لسه واخده وعد هههههه ،وشالها على ايده ووووو
_جمال: يعنى انت ايه اللى عمل فيك كدة يااب،اهيم؟
ابراهيم : والله ياجمال انا اتزحلقت ووقعت، واديني هنتجبس اهو، اسكت بجى.
جمال : طب اتصل على عمى يعرف برضوا؟
ابراهيم : لاء احنا ندخل عليه مفاجأة كده.
جمال : هوانت داخل عليه من الخليج ومحمل شنط؟ دانت داخل مجبس!!!!
ابراهيم ياعم هما مشغولين بفرح اختى سيبك انت .
الدكتور : الاشعه بتأكد انك مكسور وهتتجبس ، مش شرع لاء كسر، هو انت واقع من مكان عالى ؟
ابراهيم : بص للدكتور بقلق ،لاء لاء ابدا.
جمال : 🤔🤔🤔 براحتك ياابراهيم، اتفضل يادكتور شوف المطلوب!!؟
_ بعد ساعتين
غنيمه : بدب على صدرها ،يالهووووى ايه ياابراهيم مالك ياابني ايه جرا لك؟ ماانت كنت حلو وكويس، من كام ساعه ؟ جولى مالك ياابني؟
ابراهيم : ابدا ياما حادثه بسيطه كدة .
جمال : خير يامرات عمى ،بسيطه ،شدة وتزول، اتزحلق وجع، وانا خدته وروحت بيه المستشفى وعملت له اشعه، وجبسته.
عبدالله : اخس عليك ياجمال طب شيع حد يجول لينا ويعرفنا؟
جمال : انا جولت انكم مشغولين بالحنه، واهو هو حلو الحمد ، وانا هبيت معه هنا الليله دى ،مش هسيبوا لوحده.
غنيمه : ربنا يخليك ياجمال يارب ماننحرم منك ابدا، مش زى اختك؟
جمال : مالها سلمى يامرات عمى؟
غنيمه : ابدا اشدها ترجص فى الحنه قدام الناس تجولى لاء؟
وتكسفنى؟ هو انا مش هبجى حماتها؟ وامها التانيه؟
جمال : انتى فعلا امها التانيه ،بس انتى عارفه هى بتتكسف ،واختىسلمى متدينه ،مش زى بنات اليومين دول ،جلعين برجع الحيا ، وفى سره براوا عليكى ياسلمى والله ليكى عندىحاجه حلوه!!!
############ تانى يوم بعد الفرح ماخلص
امينه : واقفه قدام المراية وبتكلم فى نفسها، جميله جوى يابت اكيد هطيروا نفوخه بالقميص دة؟! ومش بعيد يجعد معى يومين على بعضهم؟
وهى بتكمل مكياج وزينه لنفسها سمعت صوت شاهين بيفتح الباب ، وراح دخل عليها الاوضه.
امينه : جريت عليه تحضنه، واحشنى جوى ياشاهين ،كدة كل دى غيبه ؟
ولسه بتتكلم وهى لافه ايدها حولين رقبته.
شاهين : 😠 الغضب مالى عينه، نزل ايدها،
امينه : ايه ياحبيبى مالك فيه ايه اخس عليك ، بجى انا بحضنك ،وانت تنزل ايدى ليه عملت انا ايه؟! بقلم ميادةيوسف
___ مالك زعلان كدة ليه؟ ايه اللى جرا يعنى؟
شاهين : اللى حصل امبارح وانا قولت يمكن تيجى وتعتذر بس انتى كعادتك ،تعملى العمله وتستخبى! بس المرة دى انتى زوديتها جوى يابنت ذكى!!!
___ازاى تتجرأى وتمدى يدك على مراتى وتهينها جدام الحريم امبارح فى الحنه؟
_خلاص ماليش وجود ولالازمه عندك؟ تصغرى بى كدة عادى؟
____ هو انتى لما تعملى كدة جدام الناس معها تبجى بتهزأينى انا؟ بس العيله الصغيرة طلعت ناصحه واشطر منك سكتت ومافتحتش بوقها بكلمه احترام لى،مش زيك الغيرة دفعتك للغلط!؟
امينه : اه بجى جاى تدافع عنها، بدل ماتيجى تاخدنى فى حضنك وتعوضنى بعدك ، جاى تتخانج معى علشانه؟
____ طب افتكر انى مراتك الأولى واول بختك، وهى اتجوزتها بس علشان الخلفه،وبعدين انا لسه صغيرة وحلوة واحلى منها كمان، واعتذار ايه اللى اعتذروا ليها دى، الهى تموت وتنتهى سميرة بنت نعيمه، اللى من يوم ما دخلت حياتنا وهى جلبتها وعكستها، زى مايكون اتعمل ليك عمل بيها؟
_ وانت توهت واتغيرت معى خالص، وانا اللى أنزلت البندر وجبت كام قميص نوم جديد ليك ،وواقفه اعملك كوارع وبط ،وانت جاى تتشاكل معى؟ علشانها ؟
شاهين : يعنى كدة وكمان مش محترمة وجودى، وبتدعى عليها جدامى؟
___ طب يمين تلاته ماتلزمينى مرة، ولا واحدة ست الا لما تعتذري لسميرة، وتعترفى بغلطك؟ وغير كدة تحرم عليا فرشتك؟ جولتى ايه؟!
امينه : بجى كدة بتحلف عليا ياشاهين علشانها؟
شاهين : قبل ماتنطجى ايهتا كلمه انا ماشى، فكرى علشان ماتزديش غلطك ياامينه، بعدى عن طريجى ووسعى من وشى.
امينه : شاهين زقها ووقعت على الكنبه ،وقعدت تبكى وتندب حظها، وتتوعد لسميرة،، طب ياسميرة اما وريتك وخليتك تجولى حجى برجبتى ،مابجاش انا امينه ؟!
___ هنشوف ياشاهين اما جيت تبوس راسى وايدى، مابجش انا امينه؟؟😡😡😡😡
///////////////// عند سميرة
سلمى : اما انتى جولتى لاابوى على اللى ابراهيم عملوا امبارح؟
شاهين : كان داخل وسمع كلام سلمى
شاهين : عمل ايه مخسوف المنى ده ؟ اللى وشه يجطع الخميرة من البيت؟ بقلم ميادةيوسف
سلمى وسميرة اتخضوا وارتبكوا اول لما شافوا شاهين.
سميرة : حمدلله على السلامه ياحاج نورت بيتك ،فكرتك مبيت عند امينه؟
شاهين : بعدين نتكلم ،بس اعرف عمل ايه ابراهيم؟
____احكى ياسلمى انتى عرفينى، ولا عايزة ابوكى شرابه خرج؟
سلمى : الف بعد الشر عنك ياابوى ، بس اوعدينى انك ماتتعصبش؟
شاهين : جولى حصل ايه؟
سلمى : اللى حصل امبارح وانا هنا بعد لما صليت فى اوضتى فوج.......... وحكت لشاهين كل حاجه.
شاهين : بجى كدة ؟ اهل بيتى، ازى يستبيح حرمه بيتى؟ وازى يجل أدبه كدة حاضر، انا رايح له .
######
عند عبدالله #########
عبدالله : افتحى لعمك يابت جومى
عبدالله : تعالى ياشاهين اتفضل، دانا اللى كنت هاروح اجعد معك واشكرك على اللى عملتوا لبنتى، مالك غضبان ليه ايه مزعلك؟ اوعى يكون موضوع الحريم فى الحنه؟
_ غيرة حريم متخدش فى بالك.
شاهين : لاء انا جاى علشان اللى عملوا الزفت ابراهيم؟ وربى لو ماكان ابنك كنت جتلتوا!!؟
عبدالله. : ليه عمل ايه المخروب دة؟
شاهين. : هو فين ؟
عبدالله : جوة متجبس وجمال ابنك كان معه فى المستشفى. بقلم ميادةيوسف
شاهين : وجالك اتجبس ليه؟
عبدالله : لاء ولااعرف جول ياخوى جلبى وجف؟!!!
شاهين : المحترم ابنك امبارح وسلمى فى اوضتها، الافندى ابنك طله على الشجرة ووووووو
عبدالله : عديم الربايه، جليل ادب ماترباش والنعمه لادخل اضربه بالعصايا حالا، ولاتزعل ولا تزعل نفسك، وبعدين ماتيجى نجوزهم بجى؟
شاهين : بجول له ايه ،يجول لى ايه؟
جمال : صح اللى سمعتو دة ،يعنى ابراهيم وقع علشان كان بيبص على اختى من شباك اوضتها؟
____ وديني لادبحه،
شاهين : بعد جمال عن الخناق مع ابراهيم وطلعوا برة بيت عمه بس جمال حلف ليربى ابراهيم
عبدالله : طب اقعد بس ياحاج كوباية لمون لعمك يابت بسرعه ، والنبى حبيبك استهدى بالله ،تعالى.
شاهين :: نطر ايد عبدالله، وخرج راح البيت.
عبدالله : دخل على ابراهيم الاوضه.
عبدالله : ايه اللى انت عملتوا دة يازفت انت حمار؟
كدة هتطيرها من ايدك،، وعمك استحاله يفكر يدها لك ويجوزها لك؟!
ابراهيم :: لاء كدة هيرضى ونص وهيخاف من الفضيحه،
عبدالله :: حمار انت ومش فاهم، كدة لما الحكايه تتعرف العرسان هيجروا عليها اكتر ياغبى!
___ اكيد دة فكر امك؟ ماهو نفس الغباء الله اكبر، لو الغباء بيتصدر زى القطن، كان زمانى أغنى الناس هنا والله؟
###### بعد شهرين
سميرة :: لولوووووووى الف مبروك ياحبيبى ياجمال،،لاء يادكتور جمال بإذن الله، ها وح اتصل على ابوك فى المصنع افرحوا.
شاهين :: الو ايوه
سميرة : : لولوووووووى الف مليون مبروك يا حبيبى ياسيد المعلمين وتاج راسى.
شاهين :: دكتور جمال صح ياجمر ياوش السعد انتى؟
سميرة : : حصل يانن عينى ياابو الدكتور.
شاهين :: ياعربى انت ياعرابى روح وزع ساقع على الناس، وشهر هديه لكل العمال فى المصنع حلاوة نجاح الغالى ، روح
عربى :: الف مبروك ياحاج ، بس انا لى حاجه زياده؟
شاهين :: عايز ايه؟
عربى :: نفسى فى جلبيه وعبايه زى بتوعك ياحاج وعمه.
شاهين :: بس كدة روح لجميل الترزى انا مودى له حتتين قماش يفصلهم، مش خسارة فيك.
####### عند سميرة
غنيمه :: لولوووووووى الف مبروك ياحبيبتى ، هو جاب كام؟
سميرة :: الله اكبر ٩٩%
غنيمه :: بحقد اه الف مبروك يستاهل جمال شاطر وعارف مصلحته، دخلى يابت منك ليها الحاجات دى جوة فى المطبخ.
سميرة :: ماكنش له لازمه التعب دة والله!!!
غنيمه :: بعد خيركم ياحبيبتى، بجولك ايه ياسميرة، احنا عايزين نجوز العيال ابراهيم وسلمى؟
سميرة :: والله ياغنيمه الكلام مش معى ،مع ابوها ربنا يخليه لنا، بس سلمى عايزة تدخل الجامعه وابوها موافق، وانتى ماتزعليش منى ابراهيم يعنى مباااا
غنيمه :: جامعه ؟ احنا متفقين من زمان سلمى لإبراهيم وإبراهيم لسلمى، علام ايه ومصيبه ايه ، واه علشان ابراهيم ماكملش علامه وطلع من أولى اعدادى ،يبقى ابنى مش من مقامكم؟
____ بتهزأينى ياسميرة؟ طب فى وشك ومش من وراكي والله والله ان كان ابراهيم مايتجوز سلمى لاقعدها لك زى البيت الوقف ، ولا تتمدد فى طول راجل ابدا، واحزنك عليها العمر كله؟!!
شاهين :: غنيمهههه بكل عصبيه انتى بتجووووولى ايه.......
يتبع