رواية ملك الاقتصاد والقط الاسود
الفصل الحادي عشر 11
بقلم شيماء طارق
روما في السياره... طيب اخرج دلوقتي ولا لا وبعدين سلمي الجزمه دي سابتني ومشيت لما اشوفها.. اي دا انا نسيت نهي
روما :نهي يا نهي
نهي بنوم : اي يابنتي سيبيني بقي عايزه انام مش كفايه ممرمتاني معاكي
روما :اصحي يا بنتي وصلنا
نهي : طيب سيبيني انام بقي
كادت روما ان تتحدث حين استمعت الي صوت اطلاق الرصاص من حولها فنظرت الي نهي التي نهضت واعتدلت في جلستها نظرو الي بعض ثم.استمعو الي صوت صراخ قادم من دار الايتام...
نهضت روما من جلستها ونظرت من نافذه السياره فوجدت عدد كبير من الرجال الملثمين يضربون الرصاص علي الحراسه الخاصه بأسر الذي ارسلها مع عمته... خرجت من السياره ببطء فإستمعت الي أحدهم يقوم للاخر
=الباشا بيقول عايزها من غير اي خدش فيها
_بس احنا هنأخدها ازاي
=اقف في ظهري وانا هاخدها والباقي يتكفل بموت الحراس
_طيب
كانت روما تستمع لهم بصدمه رجعت الي السياره مر هو أخري وجلست مكان السائق
نهي : روما انتي بتعملي ايه وفي ايه واي ضرب النار دا
روما : هشششش اهدي بس..... ثم وجدتهم يأخذون هدي معهم ويضعونها في السياره وينطلقون..... ومالبث الي ان تحركت روما خلفهم...
نهي : دي هدي هانم
روما : اسكتي خالص وهاتي التليفون بتاعي من الشنطه
نهي وهي تعطيها الهاتف : اهو
اجرت روما اتصال........
آسر : اي دا روما بتتصل ليه.وهي هنا في البيت..
....
روما : رد بقي
آسر : الو..
روما بصريخ : آسر الحقنا ...
إنتفض آسر من مكانه : في ايه يا روما مالك
روما : في ناس ضربو الحرس وخطفو هدي هانم وانا وراهم بالعربيه اهو
آسر : بتقولي ايه فهميني...... انقطع الاتصال ......الو الو روما....
....
روما : هو دا وقتك تفصل...
نهي : روما مين دول
روما : معرفش معرفش ثم اوقفت السياره بعد ان رأت انهم توقفو.. واستعدت للنزول
نهي : انتي اتجننتي ياروما رايحه فين
روما : ما هو انا مش هسيبها معاهم لوحدها
نهي : تقومي تروحي ليهم وانتي مش هتعرفي تنقذيها ..اهدي كدا وفكري بالعقل
روما وهي تنزل من السياره : مفيش عقل انا هنزل اشوف في ايه...... وغادرت السياره
نهي : غبيه ومُتسرعه ديما.... اعمل ايه انا دلوقتي
****************
آسر في الهاتف : انت فين ياحسام
حسام : انا في الطريق للبيت
آسر : بسرعه
حسام : دقتين واكون هناك هو انت مش في الشركه
آسر :اخلص وتعالي بسرعه.... ثم اغلق الهاتف...
...
حسام لنفسه : هو في اي
.........
آسر : يعني اي تتخطف وانتو واقفين
احدي رجاله التي نجو من القتل : يا باشا هما كانو كتير ونزلو وهما مقررين يموتونا انا هربت عشان ابلغ حضرتك
آسر بزعيق وصوت عالي : تقوم تسيبهم يخطفو امي يا متخلف انت بتقبض فلوس عشان تهرب........
...حسام دخل في الوقت دا وسمع أخر جمله
حسام : في اي يا آسر.. ومين الي اتخطف
آسر : مش وقته معاك رقم نهي زميله روما
حسام : لا بس ثواني ويكون موجود
آسر : معاك خمس دقايق....... اؤماء له حسام ثم اخذ يجري اتصالاته بينما كان آسر يتابع اللاب خاصته في توتر وخوف لأول مره يلمس قلب آسر...
انتفض آسر فجاه من مجلسه ثم اتجهه للخروج من الفيلا بسرعه هرول خلفه حسام..
حسام : استني يا آسر ..
آسر : مفيش وقت يلا بسرعه اركب .........صعد معه حسام وهو مازال لا يعرف شئ... كان آسر يسير بسرعه وهو يتابع اللاب خاصته......
**************************
كانت تسير في تخفي بجوار الجدران تحاول ان لا يراها الرجال الواقفون امام هذا المنزل المهجور..
روما لنفسها : طيب اعمل اي دلوقتي دول تيران انا لو قربت منهم هيقتلوني من غير كلام .......
ثم نظرت حولها ورأت ان نهي تأتي باتجاهها روما بخفوت بعد ان اقتربت منها نهي : انتي نزلتي ليه كنتي تفضلي في العربيه وتحاولي توصلي لأسر
نهي : مقدرش اسيبك لوحدك وبعدين مش معايا رقم آسر فجبت التليفون بتاعي لو انتي تعرفيه اتصلي عليه
روما : مش حفظاه بصي احنا هندخل ونشوف فين هدي هانم وبعدين نشوف هيحصل اي
نهي : وهنعدي ازاي من الناس دي
روما وهي تنظر حولها في حيره فهي محقه ما لبثت ان رأت احدي النوافذ في الجانب الاخر من المنزل ولكنها مغلقه أشارت الي نهي واتبعتها ..
نهي : انتي هتعملي اي
روما : هندخل من هنا
نهي : انتي مجنونه هتدخلي ازاي وبعدين الشباك دا مقفول
روما وهي تلتفت حولها ورأت احدي القطع الحديديه فأخذتها واتجهت الي النافذه في محاوله لفتحها : هفتحها بدا
نهي وهي تضحك بخفوت : حراميه قديمه انتي
روما : اسكتي هنتفضح......... لم تكمل فقد فتحت النافذه فإبتسمت بنصر
نهي : هتنطي
روما : اه دي لعبتي انا بقي
....قفزت روما الي الداخل واتبعتها نهي بحذر ترقبوا المكان من حولهم وما لبث ان اضاءت الغرفه التي يتواجدون فيها
........جيتي ليا برجليكي وبسرعه مكنتش متوقعها
نظرت روما الي نهي التي تتشبث بها بخوف فإبتلعت ريقها وتحدثت بثقه مزيفه مع بعض السخريه
روما : انت....ثم اكملت بسخريه.... صحيح ابن الشامي هيطلع اي غير بيخطف الناس
مازن وهو يضحك بصوت عالي : بس مش اي ناس بردو دا انا جايب ام آسر الرفاعي والشغاله بتاعته طيب والله انا جدع
روما : انت خاطف هدي هانم ليه
مازن : عايز مصلحه من آسر لو نفذها هرجعهالو لو منفذهاش يبقي يترحم عليها
روما : انت مفكر انك تقدر تعملها حاجه دا نجوم السماء اقربلك من انك تيجي ناحيتها
مازن وهو يصفق بيديه : لا برافو.. قويه ومش بتخافي
روما وهي تريد اغاظته : ما هو مفيش حد بيشتغل عند آسر الرفاعي وبيبقي جبان
مازن : هنشوف دلوقتي ثم أشار الي رجاله بإصتحابها هي وصديقتها وبالفعل تقدم منهم رجاله واخذوهم فلم تقاوم روما وهذا ما أثار استغرابه حتي نهي دهشت من ذلك ولكنها إبتسمت عندما وجدتهم يصطحبونهم الي المكان التي توجد به هدي فعلمت ان صديقتها كانت تريد معرفت اين هي
هدي : روما.. نهي... بتعملو اي هنا
روما : انتي كويسه حد عملك حاجه
هدي : انا كويسه بس انتو هنا ازاي.
نهي : ركبنا عربيه الحرس لما انتي روحتي الدار وجينا وراكي
مازن : كفايه كدا ولا ايه
هدي : انت عايز اي
مازن : عايز آسر يخرج ابويا من السجن ويسبنا نسافر بره البلد وكدا احنا نرتاح وهو يرتاح
روما بإندفاع : عايزه يخرج ابوك الحرامي ولا تاجر الاعضاء ولا تاجر السلاح ولا تاجر المخدرات عايزه يخرج قتال القتله ولا عايزه يخرج انهي شخصيه في ابوك انت مفكر نفسك فين تسرق وتقتل وتنهب ومفيش قانون لا اصحي وفوق في قانون في البلد وآسر مش هيخرج ابوك ابدا عشان هو يستاهل الاعدام
كانت نظرات مازن لها نظرات غضب بينما كانت نهي تحاول التخفي خلف هدي حتي تحاول الاتصال بأي شخص ينجدها فوجدت هاتفها يرن برقم غريب ففتحت بسرعه وما كان الرقم الا رقم حسام
حسام : الو نهي متعرفيش روما فين
نهي بخفوت : احنا مخطوفين
حسام : ايه مخطوفين
آسر : قولها مين الي خاطفكو انا عارف المكان بس مين الي خطفهم
حسام : مين الي خاطفكو
نهي : روما بتقول ابن الشامي معرفهوش ثم صرخت فجاه ورمت الهاتف من يديها......
حسام : الو الو نهي....
آسر : انا قربت اوصلهم خلاص
......
مازن وهو يمسك نهي بغضب : بقي انتي بتكلميهم
نهي : اه سيب ايدي انا مبكلمش حد
روما : سيبها لو راجل
مازن وهو ينظر لها ويتوجهه اليها بعد ترك نهي
مازن : وهو انتي مش شيفاني راجل
روما : مفيش راجل يعمل الي بتعملو دا
هدي : بس يا روما اسكتي
روما :لا مش هسكت هو لو راجل فعلا كان وقف قدام آسر راجل لراجل مش يخطفك
أشار مازن الي رجاله لتقيد نهي فقامو بتقيدها بجوار هدي فأشار لهم بالخروج واغلاق الباب جيدا..... اقترب من روما وهي تبتلع ريقها بخوف وتدعي الله ان ينقذها ويصل آسر بسرعه اليهم
مازن : انا بقي هعرفك اذا كنت راجل ولا لا....... اقترب منها وحاول الامساك بها ولكنها لكمته بقوه في وجهه وهربت من امامه
روما : متخلقش لسه الي يجي جنبي
مازن وهو يبتسم بشر : هنشوف...
....اقترب منها مره اخري وبالفعل امسك ببلوزتها وكاد ان يمزقها ولكن انتفضعلي أثر اندفاع الباب وتحطيمه امامه........
ويظهر آسر وهو يقف بشموخه المعتاد ولكن علامات الغضب واضحه علي قسمات وجهه..... نظرت له روما ثم ركضت اليه فإحتضنها بخوف فتشبثت به بقوه
رفع وجهها بيديه فوجد الدموع أخذت مجراها علي وجهها فنظر الي مازن بغضب الذي تراجع بخوف من نظراته فأبعد روما عنه وتوجهه اليه.....
دارت معركه بينهم ولكن لم يستطع مازن ان يلكم آسر ولكن آسر مان يقاتله بمهاره عاليه وكان يضربه ضربات تشل من حركاته وتجعله يندم علي ما تقدم علي فعله ويعلم مع من يتعامل......
كانت روما في هذه الاثناء تفك قيود هدي ونهي فتقدمت هدي واخذتهم في احضانها وهي تتابع ما يحدث بصمت وتشدت من احضانها عليهم....
اتي حسام بعد ان تولي امر من بالخارج ونجح في اسقاطهم جميعا دلف للداخل يبحث عن آسر فتفاجئ بوجود والدته وليس روما فقط....
حسام وهو يهرول اليها : ماما.. انتي كويسه
اشارت له هدي بمعني نعم ووجهت نظرها لآسر فنظر حسام اليه وذهب ليخلص مازن من براثين آسر
حسام وهو يبعد آسر : خلاص يا آسر كفايه هيموت في ايدك
آسر : وانا عايزه يموت
حسام : كفايه عشان نروح البنات....
نظر آسر بإتجاههم فوجد الخوف يسيطر علي روما فتوجهه اليها بسرعه واخذها من احضان عمته ووضعها في احضانه...
آسر : خلاص متخفيش
روما ببكاء : كان كان.........
آسر وهو يمسح علي رأسها : هشش خلاص يلا بينا....
تولي حسام امر ارسال مازن الي الشرطه بينما اخذ آسر امه وروما ونهي وتوجهه الي سيارته ومن ثم الي الفيلا ......
*******************************
آسر بهدوء عكس ما بداخله : عايز اعرف وصلتي هناك ازاي
نظرت روما بخوف ثم حاولت الحديث ولكنها فشلت فإستمرت بالبكاء
هدي : خلاص يا آسر لما تهدي تبقي تقولك سيبها دلوقتي ترتاح
آسر بغضب لم يعي ما يقول : وانا مين كان هيريحني لو كان حصلها حاجه ...انتي مش عارفه انا كنت عامل ازاي وهي بتكلمني والتليفون قطع. .انا قلبي كان هيموت ولاول مره احس بالخوف عشان خاطرها وهي ولا بيهمها حاجه المهم عندها انها تمشي وراء دماغها ومش مهم اي حد بعد كدا مش مهم ان انا ممكن اموت لو جرالها حاجه وهي ولا بيهمها حاجه .......
كانت تستمع له بصدمه مما يقول ولكن دموعها مازالت تأخذ مجراها علي وجهها.....
هدي : اهدي يا آسر
آسر : انا هطلع انام.... نهي السواق بره هيروحك... ثم تركهم وغادر
حسام : هو في ايه مالك ياروما بتعيطي ليه خلاص انا سلمته للشرطه
هدي : معلش ياحسام سيبها ترتاح دلوقتي....... غادرت روما من امامهم وعادت الي غرفتها
نهي : عن اذنكو يا جماعه
حسام : استني هوصلك
نهي : هاا.. لا آسر قال ان السواق بره
حسام : لا انا الي هروحك يلا
********************
هدي وهي تطرق باب الغرفه علي آسر...
هدي : صاحي يا حبيبي
آسر وهو يعتدل في جلسته : ايوه يا ماما تعالي
هدي : مضايق من روما وبتزعقلها دا بدل ما تطمنها
آسر : يا ماما وانا مين كان هيطمني لو كان الكلب دا عملها حاجه انا عندي استعداد افرم اي حد يقرب منها بس هي بترمي نفسها في الخطر وكفايه انها خرجت من غير ما تقول لاحد
هدي : طيب طمنها يآسر دي كانت مرعوبه ولما شافتك اترمت في حضنك عشان هي بتحس بالامان في وجودك آسر روما طايشه وبتحب المغامره طفله لسه ومش بتفكر في حاجه بتعمل الي بيجي في دماغها علي طول والدليل انها بتهاجمك في الجريده عشان خاطر بس تبعدك عن تفكيرها وتحاول تلاقيلك غلطه تكرهاك بيها بلاش عند بقي انت وهي بتحبو بعض قربها ليك واحتويها وبلاش تقسي عليها افهم منها براحه وهتلاقي تصرفاتها نتيجه برأتها
آسر : حاضر يا ماما بس انتي عامله اي حد منهم قربلك انشغلت بروما
ضحكت هدي : من لاقي حبابه بقي
آسر : لا والله مش اقصد بس...
هدي مقاطعه له : كنت واثقه ومتأكده انك هتنقذني ف مخفتش ولا قلقت كنت مستنياك وببص للسلسله
آسر : لولا السلسله دي مكنتش عرفت اوصلك بسرعه ابقي فكريني اعمل واحده ل روما
هدي : انت مش كنت عملتلها خاتم
آسر : الغبيه مبتلبسهوش بتقولي بيخنوق ايدي
هدي : انت معرفتهاش ان هو فيه GPS
آسر : اعرفها عشان تفتحلي محضر لا مش ناقص انا
هدي : ربنا يهديها ويهديك ياحبيبي مش عايز حاجه
آسر : لا سلامتك ياحببتي
..........خرجت هدي من الغرفه بينما هو تمدد علي الفراش بتعب ثم نظر الي الاعلي وعلي وجهه ابتسامه حب ل روما وتحدث بهمس : والله مجنونهربس كانت هتموتني من الخوف عليها... يارب احفظها واجمعني بيها علي خير انا مش حمل خساره انسان بحبه تاني........ تنهد بقوه ثم ذهب في سبات عميق.....
*****************
كانت تجلس تبكي وتبتسم في آن واحد هي لا تعلم ما هو شعورها الان هل هو الحزن ام الفرحه ولكن هي تشعر بالسعاده نتيجه حديثه هذا فهو يخاف عليها و يرعاها تصرفاته وحديثه يدل علي الحب تذكرت عندما رأته وارتمت بأحضانه ابتسمت بحب لشعورها بالامان والاطمئنان في وجوده وبين احضانه..... تمددت علي الفراش وهي عازمه علي ان تعتذر في الغد علي ما بدر منها........
****************************
في سياره حسام ......
حسام : ايه الي حصل
نهي وقد قصت له ما حدث بخلاف ذهابها هي وروما مختبئين في سياره الحرس....
حسام : وانتو متصلتوش علي طول ليه ليه استنيتو لحد اما توصلو هناك
نهي : انا مكنتش عارفه افكر روما هي الي كانت بتتحرك
حسام : تاني مره متمشيش وراء روما في تصرفاتها المجنونه دي
نهي ببرأه : وأسيبها في الخطر لوحدها
حسام بغيظ : لا روحي معاها وابقو انتو الاتنين في خطر ومنعرفش ننقذكو
نهي : انت مضايق ليه دلوقتي
حسام : انا مش مضايق... رقمي معاكي علي التليفون بتاعك لو حصل حاجه تكلميني
نهي بتذكر وتضرب جبهتها بيديها : اوبس....
حسام : ايه في اي
نهي : التليفون في البيت الي كنا مخطوفين فيه وانا بكلمك مازن شدني وقع اتكسر
حسام وهو ينظر لها : مازن جه ناحيتك
نهي : مسك ايدي ولواها وراء ظهري وكان هيضربني لولا روما اتكلمت
حسام : نهايته علي ايدي.... متقلقيش خالص انا معاكي علي طول
نهي بخفوت : شكرا
حسام بإبتسامه : عفوا.......
ترجلت نهي من السياره مسرعا وصعدت الي منزلها بينما كان حسام يتابعها بعينيه وعلي وجهه ابتسامه لا يعلم مصدرها ثم تحدث بخفوت وهو يدير السياره ليعود الي المنزل..:شكلي وقعت ولا اي..